Jekpe-jek 6 raýndtqa eseptelgen
Qazaqstandyq boksshy Batyr Júkembaev (18-1, 14 KO) kásipqoı bokstaǵy alǵashqy jeńilisinen keıin araǵa jarty jyl salyp, rıngke oraldy, dep habarlaıdy Almaty-akshamy.kz QazAqparat saıtyna silteme jasap.
Sports.kz-tiń málimetinshe, ol Kanadanyń Monreal qalasynda ótken keshte meksıkalyq Hýan Hose Martınes Alvarespen (28-10, 20 KO) qolǵap túıistirdi.
Birinshi jartylaı orta salmaqtaǵy aıqas 6 raýndqa eseptelgen bolatyn jáne ol Júkembaevtyń jeńisimen aıaqtaldy. Qazaqstandyq boksshy jekpe-jektiń 1-inshi mınýtynda-aq oponentin aldymen, nokdaýnǵa, ile-shala nokaýtqa jiberdi.
Osylaısha, B.Júkembaev kásipqoı bokstaǵy 19-ynshy jeńisine qol jetkizip, bıylǵy mamyrda pýertorıkolyq Sabrıel Matıastan (17-1, 17 KO) bolǵan jeńilisin «japty». Ol kezde Júkembaev 8-inshi raýndtan keıin aıqasty jalǵastyrýdan bas tartqan edi.
Hýan Hose Martıneske kelsek, bul onyń profıboks mansabyndaǵy 11-inshi jeńilisi.
Eske salaıyq, keshe B.Júkembaev jekpe-jek aldynda salmaq ólsheý rásiminen ótkenin jazǵan edik. Keshtiń basty aıqasy reseılik Artýr Beterbıev (16-0, 16KO) pen amerıkalyq Markýs Braýn (24-1, 16KO) arasynda ótti.