Jumys sapary barysynda Almaty ákimi Baqytjan Saǵyntaev sodyrlar tonap ketken saýda jáne qoǵamdyq tamaqtaný nysandaryn aralady, dep habarlaıdy Almaty-akshamy.kz
Qala ákimi «OÁD» saýda úıin aralap kórdi, onda 576 vıtrına sóresi qırady. Osy kezeńde jaldaý aqysyn esepteý toqtatyldy. Kásipkerlermen áńgimelesý barysynda B.Saǵyntaev SHOB-tyń barlyq shyǵyndary óteletinin, saýda zaldary qalpyna keltiriletinin habarlady. Úkimet aınalysatyn tetiktiń anyqtalýyn kútý kerek.
Almaty ákimi polısıa departamentine «OÁD» ǵımaratynda aryzdardy qabyldaýdy uıymdastyrýdy tapsyrdy. Zardap shekken kásipkerlerdiń barlyq ótinishterin ýaqtyly pysyqtaý qajet. «Atameken» UKP konsýltatıvtik kómek kórsetedi.
B. Saǵyntaev sondaı-aq, «Mobılka», «Planeta elektronıkı» saýda úılerin, «Qorǵan» qarý-jaraq dúkenin, «Solomon» sport taýarlary dúkenin jáne Sátbaev kóshesindegi qoǵamdyq tamaqtaný nysandaryn aralady. Barlyq derlik nysandarda shabýyldaýshylar beınebaqylaý júıeleri bar serverlik bólmelerdi ádeıi isten shyǵardy. Tonaýshylar eń qundy zattardy alyp ketken ári úı jaılardy órtegen, joǵarydaǵy páterler turǵyndary órtti sóndirýge kómektesken.