Bul týraly Oqý-aǵartý mınıstrligi habarlady.
Respýblıkalyq ǵylymı-pedagogıkalyq kitaphanada "Balalar kitaphanasy" baǵdarlamasyna usynylatyn kitaptardyń tizimi jasaqtaldy, dep habarlaıdy Almaty-akshamy.kz
Oǵan qazaq ádebıeti tarıhynyń barlyq dáýiri men kezeńin, janrlyq baǵytyn qamtıtyn 1770 shyǵarma endi. Onyń 76%-y otandyq, 24%-y – álem ádebıettiń tańdaýly eńbekteri.
Tizimdi jasaqtaý úshin arnaıy qurylǵan komısıa qazaq tili men ádebıeti páni oqytýshylary, mektep kitaphanashylary arasynda júrgizilgen saýalnama nátıjelerin eskerdi.
"Balalar kitaphanasy" baǵdarlamasyna usynylatyn kitaptardyń tizimin jasaqtaý úshin arnaıy táýelsiz qoǵamdyq komısıa birneshe kezeń boıynsha talqylaýlar júrgizip, barlyq janrlyq baǵyttardy qamtydy. Jasaqtalǵan tizimniń 40%-y – kóne klasıkalyq ádebıet, 30%-y "Táýelsizdik kezeńindegi ádebıet", 24%-y álemdik ádebıettiń úzdik úlgilerinen turady", - dedi Respýblıkalyq ǵylymı-pedagogıkalyq kitaphana dırektory Álıa Saıdembaeva.
Baǵdarlamanyń basty maqsaty – mektep kitaphanalaryn mańyzdy balalar ádebıetimen qamtamasyz etý.
Mınıstrliktiń málimetinshe, qazirgi kúni mektepterdegi balalar ádeıbetiniń qory 40 mıllıonǵa jýyq. Elektrondyq memlekettik kitaphana qorynyń katalogyna 150 jazýshynyń eńbegi engizildi.
Aıta ketý kerek, Prezıdent Qasym-Jomart Toqaev Túrkistanda ótken ulttyq quryltaıda "Balalar kitaphanasy" atty jańa baǵdarlamany júzege asyrýdy tapsyrǵan bolatyn.