Ushý 24 qarashaǵa josparlanǵan
24 qarashada «Prıchal» HFC reseılik modýldegi «Progres» júk kemesi ushyrýy tıis «Soıýz-2.1b» zymyrany shyǵarylyp, «Baıqońyr» ushý alańyna ornatyldy, dep habarlaıdy Almaty-akshamy.kz Egemen.kz-ke silteme jasap.
«Progres M-ÝM» júkkemesi jáne jańa reseılik «Prıchal» modýli bar «Soıýz-2.1b» zymyran tasyǵyshy №31 alańnyń ushý alańyna ornatyldy», delingen memlekettik korporasıanyń Telegram habarlamasynda.
Keıinirek Roskosmos servıstik baǵandar biriktirilip, tasymaldaýshynyń komýnıkasıalary ushý kesheniniń jerústi jabdyǵymen túıiskenin túsindirdi. Mamandar birinshi ushý kúniniń kestesi boıynsha jumysqa kirisip ketti. 21 qarashada júkkemesi, zymyrantasyǵysh jáne ushý kesheniniń júıeleri men toraptaryn avtonomdy synaqtan ótkizý josparlanǵan.
Ushý 24 qarashaǵa josparlanǵan. Keme «Naýka» modýlimen 26 qarashada túıisedi. «Prıchal» Reseı óziniń HǴS segmentine qosatyn sońǵy modýl bolady.
Sonymen qatar, modýldik keme HǴS-qa 700 kelige jýyq ártúrli júkterdi, sonyń ishinde resýrstyq jabdyqtar men shyǵyn materıaldaryn, sý tazartýdy, medısınalyq baqylaýdy jáne sanıtarlyq-gıgıenalyq quraldardy, tehnıkalyq qyzmet kórsetý jáne jóndeý obektilerin, sondaı-aq negizgi ekspedısıa ekıpajyna arnalǵan standartty rasıondy jetkizedi.