Jańa qaýly jarıalandy
Búginnen bastap Qazaqstanda halyqty revaksınalaý bastaldy, dep habarlaıdy Almaty-akshamy.kz QazAqparatqa silteme jasap.
Naýqan eki kezeńnen turady. Osyǵan deıin vaksınanyń eki dozasyn da saldyrǵandar jańa jylǵa deıin úshinshisin qabyldaıdy. Bul medısına qyzmetkerleri, muǵalimder, medısınalyq-áleýmettik mekemeler men jabyq balalar mekemeleriniń mamandary, sondaı-aq kúsh qurylymdarynyń qyzmetkerleri.
Osyǵan oraı QR Bas sanıtar dárigeriniń mindetin atqarýshy Aıjan Esmaǵambetovanyń COVID-19 koronavırýs ınfeksıasyna qarsy revaksınasıa júrgizý týraly qaýlysy jarıalandy.
Qujatta KVI-ge qarsy revaksınasıaǵa jatatyn halyqtyń táýekel toptary kórsetilgen. Olar:
1) medısına qyzmetkerleri;
2) pedagogter;
3) kúsh qurylymdarynyń qyzmetkerleri;
4) medısınalyq-áleýmettik mekemelerdiń personaly men kontıngenti;
5) 60 jastan asqan adamdar;
6) Buǵan deıin KVI-ge qarsy vaksına alsa da, ımýnıteti álsiregen adamdar (ımmýnosýpressıvti terapıadaǵy adamdar (leıkemıany, lımfomany jáne mıelomany qosa alǵanda, qatty isikti nemese gematologıalyq qaterli isikti belsendi ımmýnosýpressıvti emdeý nemese osyndaı emdeý toqtatylǵannan keıin 12 aı ishinde), gemodıalızdegi adamdar, transplantat resıpıentteri, AITV juqtyrǵan aýyr bastapqy ımmýn tapshylyǵy);
7) óz betinshe tekserilý nátıjesinde aǵzasynda KVI-ge qarsy antıdene joq ekeni anyqtalǵan adamdar.