QR sıfrlyq damý, ınovasıalar jáne aeroǵarysh ónerkásibi mınıstrliginiń baspasóz hatshysy Albına Aten SDIAÓM burynǵy mınıstri Baǵdat Mýsındi qyzmetten bosatý týraly qaýesetterge túsinikteme berdi, dep habarlaıdy almaty-akshamy.kz.
"Qazir áleýmettik jelilerde belsendi talqylanyp jatqan keıbir paıymdaýlarǵa túsinikteme bergim keledi. Sońǵy kúnderi BAQ pen áleýmettik jeli qoldanýshylary mınıstr Baǵdat Mýsınniń qyzmetten ketýin ártúrli paıymdarmen talqylap jatqanyn baıqadym", - dep jazdy Albına Aten Facebook-te.
Onyń aıtýynsha, mınıstrdiń otstavkaǵa ketýi onyń óz qalaýyna baılanysty boldy.
"Ol bul týraly óziniń resmı paraqshalarynda jazdy. Sondyqtan sizderdi jalǵan aqparat taratpaýǵa jáne tek resmı derekkózderge senýge shaqyrǵym keledi", - delingen habarlamada.
Buǵan deıin Qazaqstan Prezıdenti Qasym-Jomart Toqaev QR sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsındi úsh aı buryn – 2024 jylǵy 6 aqpanda qaıta taǵaıyndalǵan qyzmetten bosatqany týraly habarlanǵan bolatyn.