Su tapshylyǵy - Qazaqstanda ǵana emes, álemdík deńgeıde ótkír tūrǵan ekologıyalyq másele. Osy tūsta «auyz su qaıda ketíp jatyr?» degen zańdy sūraq tuady. Almaty qalasynda kólík juatyn oryndardyń kóbí óndírístík maqsatta taza auyzsudy paıdalanatyny kópshílíkke beımálím. Būl saualdyń jauabyn Aqshamnews.kz tílshísí «Almaty Su» memlekettík kommunaldyq kásípornynan anyqtap kórdí.
Almatyda tehnıkalyq su jelísí joq
Almaty qalasynda tehnıkalyq (auyzsudan bólek) sumen jabdyqtau jelísí joq. Sondyqtan avtokólík juu beketterí kádímgí auyz su júıesíne qosylǵan. Yaǵnı, bíz íshetín, tūrmysta paıdalanatyn auyz su kólík juuǵa da jūmsalyp jatqan kórínedí.
Qazírgí tańda «Almaty Su» memlekettík kásípornynyń resmı deregíne súıensek, qalada 587 kólík juu orny tírkelgen. Bíraq sonyń 260-ynda ǵana sudy aınalymmen qaıta paıdalanu júıesí bar. Qalǵan 327 núkte sudy bír rettík rejımde paıdalanyp, keıín aǵyn sularmen bírge kárízge jíberíledí.
Aınalymdaǵy su júıesí – būl júıe arqyly paıdalanylǵan su tazartylyp, qaıtadan qoldanuǵa jíberíledí. Būl — ekologıyalyq tıímdí tásíl.
Jańa Su kodeksí ne deıdí?
2025 jylǵy 10 mausymda kúshíne engen jańa Su kodeksí sudy ūtymdy paıdalanuǵa naqty talaptar belgíledí:
• Barlyq su tūtynushy, sonyń íshínde avtojuu oryndary ekí jyl íshínde sudy aınalymda nemese qaıta paıdalanu josparyn ázírleuí tıís;
• Jańa talaptarǵa bes jyl íshínde tolyq kóshu míndettí;
• Sudy paıdalanu qūqyǵy tek qaıta paıdalanu júıesíne kóshu jospary bolǵan jaǵdaıda ǵana beríledí.
Degenmen būl normalardyń oryndaluyn baqylau tetíkterí álí de álsíz. Olaı deuímízge sebep: máselen, «Almaty Su» MKK būl qondyrǵylardyń bar-joǵyn baqylauǵa uákílettí emes bolyp shyqty.
Qoldanylǵan su qaıda ketedí?
Qaıta óńdeu júıesí joq kólík juu beketterínde las su aǵynmen bírge káríz júıesíne túsedí. Mūndaı sudyń qūramynda hımıyalyq zattar, avtohımıya, maı qaldyqtary boluy múmkín. Ekologıya tūrǵysynan alǵanda, būl tek sudyń ysyraby ǵana emes, qorshaǵan ortaǵa qauíp.
Su baǵasy báríne bírdeı me?
Avtókólík juu oryndaryndaǵy sudyń sūrauy joqtaı. Ásírese, kólík ıelerí avtomattandyrylǵan júıege tıyn-teben salyp, ózderí juyp alatyn oryndarda aǵyl-tegíl aqqan su kól-kósír bolyp jatady.
«Almaty Su» MKK málímetínshe, avtojuu beketterí úshín su tarıfí basqa zańdy tūlǵalarmen bírdeı. Yaǵnı, arnaıy dıfferentsıyalanǵan (joǵary) tarıf qarastyrylmaǵan. Būl da su únemdeuge yntalandyrudyń jetkílíksíz ekenín kórsetedí.
Ne ísteu kerek?
Su kodeksíníń negízgí qaǵıdattarynyń bírí – sudy ūtymdy jáne tıímdí paıdalanu.
Endí jańa kodekske saı, osy baǵytta sudy únemdeu jóníndegí aqparattyq jūmystardy kúsheıtu, bírínshí kezekte mektepterde su únemdeudí túsíndírumen aınalysu josparlanuda.
«Barlyq su tūtynushylar ekí jyldyń íshínde, qazír avtokólík juu jáne ónerkásíptík kásíporyndardan talap etíletíndeı sudy qaıta jáne aınalymda paıdalanuǵa kóshu jóníndegí ís-sharalar josparyn ázírleuí tıís.
Aınalmaly (qaıta paıdalanylatyn) su júıelerín ornatu míndettí bolatyn ūıymdardyń tízímí keńeıtíldí» , - dep jazylǵan memleketík kásíporynnyń jauabynda.
Eske sala keteıík, su únemdeudí yntalandyrudyń jańa tetíkterí engízíldí, olar būǵan deıíngí qoldanystaǵy redaktsıyada bolmaǵan.
Almaty qalasynyń avtojuu oryndarynda auyz su paıdalanyluy – qazírgí ekologıyalyq talaptarmen sáıkes kelmeıtín kórínís. Jańa Su kodeksí úmít ūyalatady, bíraq onyń naqty oryndaluy tek talappen emes, baqylaumen jáne yntalandyrumen júzege asady. Sudyń ár tamshysy qymbatqa túsetín bolashaqta — kólík juatyn oryndardyń da jauapkershílígí arta túsedí.