Roza Baǵlanova atyndaǵy «Qazaqkonsert» memlekettik akademıalyq konserttik uıymynyń Qazaq memlekettik sımfonıalyq orkestri Chehıanyń eń bedeldi sahnalarynyń biri – «Rýdolfıným» konsert zalynda óner kórsetti, dep habarlaıdy aqshamnews.kz.
Álemniń beldi sahnalarynyń birinde qazaqstandyq jáne álemdik klasıkalyq mýzykanyń jaýharlary oryndaldy.
Konsert halyqaralyq arenada elimizdiń mádenı ımıjin nyǵaıtý jáne Qazaqstan men Chehıa arasyndaǵy dıplomatıalyq baılanystardy damytý maqsatynda uıymdastyryldy. Rýhanı kesh – eki el arasyndaǵy mádenıetaralyq yntymaqtastyqqa degen umtylystyń aıqyn kórinisi.
Elimizdiń jetekshi mýzykalyq ujymdarynyń biregeıi – Qazaq memlekettik sımfonıalyq orkestriniń quramy asqan vırtýoz sheberler men kameralyq mýzykalaýdyń úzdik álemdik dástúrlerin damytyp júrgen kásibı mýzykanttardan quralǵan.