Qalalyq júrek ortalyǵyna "qolqa qaqpaqshasynyń synı stenozy" dıagnozy qoıylǵan 83 jastaǵy naýqas jetkizildi. Bul dertke entigý, álsizdik tán, ol ómirge tikeleı qaýip tóndirýi múmkin. Jasyn jáne joǵary hırýrgıalyq táýekeldi eskere otyryp, aorta klapanyn az ınvazıvti ádispen aýystyrý (aorta klapanyn transkateterlik ımplantasıalaý (TAVI) týraly sheshim qabyldandy.
Ota ıntervensıalyq kardıologıa bóliminiń meńgerýshisi Orazbek Sahovtyń basshylyǵymen ótti. Júrekke qol jetkizý keýde qýysyn ashpaı-aq femoraldy arterıa arqyly júzege asyryldy. Tamyr arqyly qolqa qaqpaqshasynyń aımaǵyna rentgen jáne ehokardıografıa baqylaýymen jasandy qaqpaq jetkizilip, ornatylady.
Ota barysynda naýqas ózdiginen tynys alyp, hırýrgtarmen tildesip, olardyń aıtqanyn oryndady. Ota aıaqtalǵannan keıin áıel bári aýyrtpalyqsyz jáne bir tyrtyqsyz ótkenin atap ótti. Birneshe saǵat ótken soń palatada ol ózdiginen qozǵala aldy.
Mamandardyń aıtýynsha, TAVI (Transcatheter Aortic Valve Implantation) ádisi egde jastaǵy naýqastarda aýyr júrek aqaýlaryn emdeýdiń eń zamanaýı jáne jeńil ádisteriniń biri bolyp tabylady. Bul ashyq ota emes jáne qalpyna keltirý kezeńi edáýir qysqarady.
Naýqas kardıoortalyq ujymyn joǵary kásibıligi men qaıtadan erkin tynys alýǵa kómekteskeni úshin alǵys bildirdi.