Almaty tauyndaǵy Butakov sarqyramasy mańynan bír kún būryn joǵalǵan qyz ólí tabyldy, - dep habarlaıdy aqshamnews.kz tílshísí.
Būl turaly Almaty qalalyq TJD baspasóz qyzmetí málímdedí.
"19 jeltoqsan kúní keshke 102 qyzmetíne tuysy qońyrau shalyp, qyzdyń tauly aımaqqa snoubord tebuge shyǵyp, baılanysqa shyqpaı qalǵanyn habarlaǵan", – delíngen habarlamada.
Aqparat túskennen keıín ízdeu aumaǵyna qūtqaru qyzmetíníń kúshterí, polıtsıya qyzmetkerlerí, TJM ROSO qūtqarushylary, sondaı-aq eríktíler jíberíldí. Oqıǵa ornynda Almaty qalasy men Almaty oblysy TJD basshylyǵymen jedel shtab qūryldy.
"20 jeltoqsanda saǵat 13:04-te ízdestíru-qūtqaru jūmystary barysynda Butakov sarqyramasy audanynda Bukreev shyńy mańynda joǵalǵan qyzdyń denesí tabyldy", – dep naqtylady baspasóz habarlamasynda.
Qūtqarushylar máıíttí teńíz deńgeıínen 2 100 metr bıíkten Butakov shatqalyndaǵy baqylau-qūtqaru beketíne deıín túsíríp, keıín polıtsıya qyzmetkerleríne tapsyrdy.
"Sot-medıtsınalyq saraptama taǵaıyndaldy. Sońǵy sáıkestendíru barlyq qajet saraptama ayaqtalǵannan keıín júrgízíledí", – delíngen habarlamada.
Ízdestíru-qūtqaru jūmystaryna Almaty qalasy, Almaty oblysy TJD, qūtqaru qyzmetí, TJM ROSO, TJM apat medıtsınasy ortalyǵy jáne eríktílerden 73 adam, 10 tehnıka, 5 ūshqyshsyz ūshu apparaty, 3 kınologıyalyq eseptop jūmyldyryldy.
