Qazaq kınosynyń ańyzy Asanáli Áshimov qaıtys boldy, - dep habarlaıdy aqshamnews.kz tilshisi.
Qaıǵyly habardy redaksıaǵa Muhtar Áýezov atyndaǵy Qazaq ulttyq drama teatrynyń baspasóz qyzmetiniń ókilderi rastady.
Asanáli Áshimov týraly ne belgili?
Asanáli Áshimuly Áshimov (1937 jyly 8 mamyrda Jambyl oblysy, Sarysý aýdany, Jaıylmada týǵan) – keńestik jáne qazaqstandyq kıno jáne teatr akteri, kıno jáne teatr rejıseri, teatr pedagogy, profesor. Qazaq KSR halyq artısi (1976), KSRO halyq artısi (1980). Qazaq KSR memlekettik syılyǵynyń laýreaty (1973), KSRO memlekettik syılyǵynyń laýreaty (1974). Qazaqstan teatrlar asosıasıasynyń prezıdenti. Muhtar Áýezov atyndaǵy Qazaq memlekettik akademıalyq drama teatrynyń kórkemdik jetekshisi. Qazaqstannyń Eńbek Eri (2017). Qatal soǵys jyldary ótken balalyq shaǵy týraly osylaı deıdi: – Alǵashqy qar jaýǵansha jalań aıaq júrdim. Bir kúni sabaq kezinde qalyń qar jaýǵan edi. Barlyq synyptastarymdy ata-analary úılerine alyp ketti. Al men sýyq saz mektepte jalǵyz qaldym. Ol kezde toǵyz jasta edim. Túni boıy qatty qoryqqanym sonshalyq, tańerteń mektepten on jasqa eseıip shyqqandaı boldym.
Sahnadaǵy negizgi rólderi
Muhtar Áýezov atyndaǵy Qazaq memlekettik akademıalyq drama teatry sahnasynda: M. Áýezovtiń "Abaıynda" Kerim, "Eńlik-Kebeginde" Kebek, "Qara qypshaq Qobylandysynda" Aıshýaq, "Tańǵy jańǵyryǵynda" Jarasbaı, Ǵ. Músirepovtiń "Qozy Kórpesh-Baıan sulýynda" Qodar, Q. Muhamedjanov, Sh. Aıtmatovtyń "Kóktóbedegi kezdesýinde" Iosıf Tataevıch, Shekspırdiń "Iýlıı Sezarinde" Iýlıı Sezar, M. Frıshtiń "Don Jýannyń dýmanynda" Don Jýan, Á. Nurpeıisovtiń "Qan men terinde" Elaman, I. Vovnánkonyń "Apatynda" bas keıipker, taǵy da basqa kóptegen qoıylymda kórnekti akterdiń aıshyqty ónegesi men órnekti izi jatyr. Al, A. Áshimovtiń qara shańyraq sahnasyndaǵy sońǵy kúrdeli jumysy G. Gaýptmannyń "Ymyrttaǵy mahabbat" dramasyndaǵy doktor Klaýzen. jáne t.b kóptegen beınelerdi somdady.