Atyraýdaǵy "Jumysker" shaǵynaýdanynda nóserden keıin jol opyrylyp ketti, dep habarlaıdy Aqshamnews.kz tilshisi Atyrau Online-ǵa silteme jasap.
Jol jıeginiń bir bóligi opyrylyp, joldyń shetinde tereń shuńqyr paıda bolǵan. Júrgizýshilerdiń aıtýynsha, shuńqyrdy laı men shalshyq sý jaýyp turatyndyqtan, ony baıqaý qıyn, kósheden ótý qaýipti bolyp ketken.
"Der kezinde kórmeı qalsań, dóńgelegińnen aıyrylasyń. Kúnde osy kóshemen jumysqa qatynaımyz. Jańbyr jaýsa, joldy sý shaıyp ketedi, biraq eshkim jóndemeıdi. Jaqynda joldyń ózi de opyrylýy múmkin", - deıdi atyraýlyq avtokólik júrgizýshisi.
Turǵyndar men júrgizýshiler qalalyq qyzmetterden apatty ýchaskeni shuǵyl túrde topyraqpen kómip, nyǵaıtýdy suraıdy.