AES salýdyń ońtaıly orny retinde Almaty oblysy usynyldy.
2023 jyly elimizde atom elektr stansıasyn salý tehnologıasy tańdalady. Energetıka mınıstri Bolat Aqsholaqov bul rette tórt eldiń tehnologıasy qarastyrylatynyn málim etti, dep habarlaıdy Almaty-akshamy.kz QazAqparatqa silteme jasap.
«2009 jyldan bastap Qazaqstan tabıǵı ýran kólemi boıynsha álemde birinshi orynda. Bıylǵy jyldyń qorytyndysy boıynsha, ýran óndirý 21,6 myń tonna kóleminde degen boljam bar. Osy jyly jeltoqsanda Qytaıǵa jylý bóletin jınaqtardyń birinshi partıasy jetkizildi. Atom elektr stansıasyn salýdyń ońtaıly orny retinde Almaty oblysynyń Jambyl aýdany usynyldy», - dedi Bolat Aqsholaqov Ortalyq komýnıkasıalar qyzmeti alańynda ótken baspasóz máslıhatynda.
Mınıstrdiń aıtýynsha, AES salý boıynsha CNNC (Qytaı), Rosatom (Reseı), KHNP (Koreıa), EDF (Fransıa) jetkizýshileriniń reaktorlyq tehnologıalarynyń tizimi jasaldy.
«2023 jyly atalǵan tehnologıalardyń biri tańdalady. Tizimde tórt el - QHR, Ońtústik Koreıa, Fransıa jáne Reseı Federasıasy bar. Sonyń arasynan tańdaý jasaımyz. Odan bólek, Qazaqstannyń ıadrolyq ınfraqurylymyna keshendi sholý jasaýda atom energıasy jónindegi halyqaralyq agenttiktiń mısıasyn uıymdastyrý josparlanyp otyr», - deıdi ol.
Eske salaıyq, Energetıka mınıstri bıyl maýsymda atom elektr stansıasy salynatyn jerde zertteý jumystary bastalǵanyn habarlaǵan edi.