Tirshilik kózi alqapty sýǵarýǵa jaramdy bolyp shyqty.
Aral teńiziniń túbinen sý tabyldy, dep habarlaıdy Almaty-akshamy.kz
Sátbaev ýnıversıtetiniń gıdrolog ǵalymdary teńizdiń astyndaǵy tushshy sýdy taýyp, dáleldep berip otyr.
«Habar» arnasynyń habarlaýynsha, uńǵylaý jumystary 500 metr tereńdikte júrgizilgen. Nátıjesinde teńizdiń qurǵap ketken bóliginde jer asty sýy tabyldy.
Bul joba ásirese, Araldyń ońtústik jaǵynyń ekologıasyn qalpyna keltirýge tıimdi. Atap aıtqanda, sekseýil alqabyn kóbeıtip, kógaldandyrýǵa septigin tıgizedi. Sondaı-aq ol jerden ań-janýardyń bári sý ishe alady. Qumnyń arasynda paıda bolatyn oazıs aımaqtyń klımatyna oń áser etpek. Sóıtip ekojúıeni retteıdi.
Ǵalymdardyń aıtýynsha, bul aýyl sharýashylyq maqsatynda ekojúıeni qalpyna keltirýge arnalǵan alǵashqy joba. İske asyp jatsa, oń ózgeris ákeledi. Týrızmniń damýyna úles qosady.
"500 metr tereńdikte burǵylanǵan uńǵymadan sekýndyna 8 lıtrden jer asty sýy shyǵady. Sýdyń tuzdylyǵy bir lıtrge 3,5 gram mólsherinde. Nátıjesinde solardy qoldaný arqyly Araldyń qumdarynda ósimdikter ósirýge bolady", - deıdi gıdrogeolog ǵalym Dýlat Qalıtov.