Ǵalymdar bul antıdeneni tyshqannyń denesine engizip, tájirıbelik synaq jasap kórgen.
Dúk ýnıversıtetiniń jáne Soltústik Karolına ýnıversıtetiniń ǵalymdary ár túrli koronavırýstar, sonyń ishinde COVID-19 týdyratyn ınfeksıalardyń aýyrlyǵyn shekteıtin antıdeneni taýyp, synaqtan ótkizdi, habarlaıdy Almaty-akshamy.kz INTERFAX.RU saıtyna silteme jasap.
«Bul antıdeneniń qaýqary qazirgi epıdemıany emdeýge jetedi, biraq aldaǵy ýaqytta basqa koronavırýs túrleri janýarlardan adamǵa juqqan jaǵdaıda nemese indetteri jańa túri paıda bolsa da jaramdy bolýy múmkin», - dedi zertteýdiń avtorlarynyń biri, dáriger Barton Heıns.
Ǵalymdar 2000 –shi jyldardyń basynda ókpeni qabyndyrǵan SARS-CoV-1 vırýsyn juqtyrǵan naýqastyń jáne COVID-19-ǵa shaldyqqan naýqastyń qanyn taldaý arqyly antıdeneni bólip aldy.
Eki adamnan alynǵan 1700 antıdeneniń ishinen zertteýshiler SARS-CoV-1 vırýsymen de, COVID-19 týdyratyn SARS-CoV-2men de baılanysý múmkindigine ıe bolatyn 50 antıdeneni anyqtaǵan.
Budan keıingi taldaý osy aıqaspaly antıdenelerdiń biriniń erekshe kúshti ekenin kórsetti - ol adamdarǵa juqtyratyn eki patogenge qosa janýarlardyń ár túrli koronavırýstarymen baılanysýy múmkin.
«Bul antıdene koronavırýspen kóptegen mýtasıalanǵan jáne túrlengen keıipte saqtalatyn jerde baılanysady jáne sonyń arqasynda ol koronavırýstardyń kóptegen túrin tótep bere alady», - dedi Heıns.
Antıdeneni bólip alǵannan keıin zertteýshiler onyń ınfeksıalardy tıimdi túrde toqtatatynyn nemese azaıtatynyn bilý úshin tyshqandarǵa tájirıbe jasap, synap kórdi.
Synaqtyń nátıjesi antıdeneniń ınfeksıalardy toqtatatynyn jáne azaıtatynyn kórsetti. Infeksıa aldynda engizilgen kezde antıdene tyshqandardy COVID-19-dyń kóptegen túrlerinen, sonyń ishinde deltadan jáne adamdarda pandemıa týdyrýy múmkin janýarlardyń kóptegen vırýstarynan qorǵaı aldy.
Infeksıa engizilgennen keıingi kezde antıdene basqa emdelmegen janýarlarmen salystyrǵanda, bul tyshqandardyń ókpesindegi aýrýdyń belgilerin azaıtqan.