Qaýly 10 shildede kúshine enedi.
Sońǵy 5 jylda elimizde 44 myńǵa jýyq saıt buǵattalǵan, dep habarlaıdy Almaty-akshamy.kz
Aqparat mınıstrligi endi ınternette jarıalanǵan derekterge ashyq monıtorıń júrgizýge quqyly.
Iaǵnı, sheteldik saıttar men messendjerlerdi quqyq qorǵaý organdaryna júginip, arnaıy sanksıa alyp jatpaı-aq, ózdiginshe buǵattaı alady. Mundaı múmkindikti Aqparat jáne qoǵamdyq damý mınıstrliginiń keıbir máseleleri týraly 142-shi qaýlysyna engizilgen ózgerister berip otyr.
Qazirde elimizde terorızm, esirtki, psıhotroptyq zattardy nasıhattaýdy kózdeıtin saıttarǵa shekteý qoıylatyny jasyryn emes. Alaıda qaýlyda naqty qandaı baǵytta jazylǵan jazbalar óshireletini aıtylmaǵan. Odan bólek aqparatqa qol jetkizý máseleleri jóninde arnaıy komısıa qurý, memlekettik organdar ınternet-portaldarynda ornalastyra alatyn derekteriniń tizbesin jasaý syndy tolyqtyrýlar bar. Jalpy qaýlynyń 10-nan asa tarmaqshasy túzetýden ótken, 10-shildede kúshine enedi.