Qazaqstannyń juptyq syndaǵy birinshi, álemniń 19-raketkasy Anna Danılına AQSH ashyq chempıonatynyń úshinshi aınalymyna shyqty, dep habarlaıdy Almaty-akshamy.kz Inform.kz-ke silteme jasap.
Jarystyń 8-raketkalary bolyp tirkelgen A.Danılına brazılıalyq Beatrıs Haddad Maııamen birge ekinshi aınalymda ıspanıalyq Alena Bolshova - norvegıalyq Ýlrıkke Eıkerımen kezdesti.
Qazaqstandyq-brazılıalyq jup 6:1, 7:5 esebimen jeńiske jetti. Olar 3 eıs jasap, 7 breık-poınttyń beseýin paıdalana bildi.
Anna Danılına men Beatrıs Haddad Maııa shırek fınalǵa shyǵý úshin dodanyń 10-raketkalary, amerıkalyq Nıkol Melıchar-Martınes - aýstralıalyq Ellen Perespen talasady.
Erler arasynda juptyq synda Qazaqstannan eshkim qalǵan joq.
Aleksandr Býblık danıalyq Holger Rýnemen birge ekinshi aınalymda tartysty machta fransıalyqtar Kenten Galı - Adrıan Mannarınoǵa ese jiberdi - 3:6, 7:5, 6:7 (8:10).
Aleksandr Nedovesov pákstandyq Aısam Kýreshımen birge chempıonattyń 3-raketkalary, salvadorlyq Marselo Arevalo - nıderlandylyq Jan-Júlen Roıerden utylyp qaldy - 0:6, 3:6.