Adal kásipkerlerdiń jumysyn jeńildetý úshin qashyqtan baqylaý» engiziledi. Bul týraly Úkimet otyrysynda QR Qarjy vıse-mınıstri Erjan Birjanov aıtty, dep habarlaıdy Almaty-akshamy.kz Inform.kz-ke silteme jasap.
«Buzýshylyqtardyń aldyn alý fıskaldyq baqylaý, onyń ishinde tekserýler kezinde táýekelderdi basqarý júıesin odan ári jaqsartý jolymen qamtamasyz etiledi. Sondaı-aq, oryndalmaǵan kameraldyq habarlamalar boıynsha táýekelderdi basqarý júıesin qoldanýdy keńeıtý jáne qosylǵan qun salyǵyn qaıtarý kezinde tekserý júrgizbeı táýekelderdi baǵalaý usynylady. Elektrondyq shot-faktýralardy onlaın monıtorıńteý jolymen jalǵan mámilelerdi jasaýǵa tosqaýyl qoıylady. Memlekettik organdar men uıymdardyń derekteri negizinde barlyq habarlamalardy ortalyq deńgeıde avtomattandyrý josparlanýda», - dedi ol.
Vıse-mınıstrdiń atap ótýinshe, salyq tóleýshilerdiń óz kontragentterin derbes tekserýi úshin tıisti saqtyq qaǵıdatyn engizý boıynsha jumys júrgizilýde. Bul sot talaptarynyń sanyn azaıtady.
«Budan basqa, adal kásipkerlerdiń jumysyn jeńildetý úshin bıznespen qarym-qatynastyń jańa túri - «qashyqtan baqylaý» engiziletin bolady. İri bıznespen qashyqtan ózara is-qımyl jasaýǵa negizdelgen «deńgeıles monıtorıńti» qoldaný keńeıtiletin bolady», - dedi Erjan Birjanov.