Almaty oblysynda sırek kezdesetin sibir taý eshkisi fototuzaqqa túsip qaldy.
Almaty oblysyndaǵy «Altynemel» ulttyq parkinde sibir taý eshkisi fototuzaqqa túsip qaldy, dep habarlaıdy Almaty-akshamy.kz QazAqparat saıtyna silteme jasap.
Onyń vıdeosy «Altynemel» tabıǵı parkiniń Instagram-daǵy paraqshasynda jarıalandy. Sibir taý eshkisi ejelden ulttyq parktiń Sholaq, Degeres jáne Mataı taýlaryn mekendeıdi. 2021 jyly onyń sany 2800 bastan asty.
«Fototuzaqqa tekesi túsip qaldy. Vıdeodan onyń semser tárizdi 1 metrdeı múıizin kórýge bolady», - delingen áleýmettik jelidegi paraqshada.
Buǵan deıin Qazaqstannyń Qyzyl kitabyna engen Tán-SHan qońyr aıýy fototuzaqqa túsip qalǵan bolatyn. Sonymen qatar qar barysynyń urǵashysy jáne onyń bir jasar alany «Kólsaı kólderi» ulttyq tabıǵı parkiniń beınetuzaǵyna ilingen edi.