21 shildege arnalǵan aýa raıy boljamy
Sınoptıkter elimizdiń alty oblysynda qubylmaly aýa raıy oryn alatynyn eskertedi: aptap ystyqta naızaǵaı oınap, keıbir eldi-mekenderde burshaq túsýi múmkin, dep habarlaıdy Almaty-akshamy.kz.
Kúndiz 23 shildede Túrkistan oblysynyń batysynda jáne shóleıtti aýdandarynda óte qatty ystyq bolady dep kútiledi: + 45°C. Túrkistan qalasynda da kúndiz óte qatty ystyq: +45°C.
21-22 shildede Soltústik Qazaqstan oblysynyń soltústiginde, shyǵysynda naızaǵaı oınap, kúndiz burshaq túsedi, daýyl turady dep kútiledi. Túnde jáne tańerteń oblystyń soltústiginde, shyǵysynda tuman túsedi. Soltústik-batystan, batystan 15-20 m/s jyldamdyqpen jel soǵady, óńirdiń soltústigi men shyǵysynda jeldiń ekpini 23 m/s jetedi.
Petropavlda 21 shildede túnde, 22 shildede kúndiz naızaǵaı oınap, soltústik-batystan, batystan 20 m/s jyldamdyqpen jel soǵady.
21 shildede túnde Abaı oblysynyń soltústik-batysynda, soltústiginde, kúndiz batysy men ortalyqtalyǵynda, shyǵysynda naızaǵaı oınaıdy dep kútiledi. Kúndiz oblystyń batysynda burshaq túsedi dep boljanady. Oblystyń batysynda, ortalyǵynda, soltústiginde ońtústik-shyǵystan ońtústik-batysqa oıysa soqqan jeldiń ekpini 15-20 m/s, keı tusta 23 m/s jetedi.
Semeıde naızaǵaı oınaıdy dep kútiledi. Ońtústik-shyǵystan ońtústik-batysqa oıysa soqqan jeldiń naızaǵaı kezindegi ekpini 15-20 m/s jetýi múmkin.
Kúndiz Shyǵys Qazaqstan oblysynyń basym bóliginde naızaǵaı oınaıdy dep kútiledi. Óńirdiń soltústik-batysynda, soltústiginde, ońtústiginde ońtústik-shyǵystan 15-20 m/s jyldamdyqpen jel soǵady, kúndiz ekpini 23 m/s jetedi.
Óskemende naızaǵaı oınaıdy dep kútiledi. Ońtústik-shyǵystan soqqan jeldiń naızaǵaı kezindegi ekpini 20 m/s-qa deıin jetedi.
21 shildede Qyzylorda oblysynda soltústik, soltústik-batystan jel soǵady, kúndiz oblys ortalyǵynda soqqan jeldiń ekpini 15-20 m/s quraıdy. Qyzylordada kúndiz + 42...+44°C deıin qatty ystyq bolady dep kútiledi, sáıkesinshe óńirdiń basym bóliginde tótenshe órt qaýpi saqtalady.
Kúndiz Jetisý oblysynyń basym bóliginde qatty ystyq kútiledi. +35...+ 38°C. kúndiz 22-23 shildede oblystyń basym bóliginde óte qatty ystyq bolady: +40...+41°C.
Taldyqorǵanda kúndiz +36...+38°C deıin qatty ystyq bolady dep kútiledi.
Kúndiz Batys Qazaqstan oblysynyń batysynda naızaǵaı oınap, burshaq túsedi dep kútiledi. Soltústik-batystan ońtústik-batysqa oıysa soqqan jeldiń ekpini 15-20 m/s jetýi múmkin.
Túnde Aqtóbe oblysynda soltústik-shyǵystan, shyǵystan jel soǵady, ekpini 15-20 m/s jetedi, kúndiz oblystyń ońtústiginde +35°C qatty ystyq bolady dep kútiledi.
Mańǵystaý oblysynyń soltústik-batysynda naızaǵaı oınaıdy dep kútiledi. Óńirdiń batysynda, oblys ortalyǵynda shańdy daýyl turady. Kúndiz oblystyń basym bóliginde +42°C deıin qatty ystyq saqtalady.
Sınoptıkter Aqtaýda shańdy daýyl bolady dep boljaıdy. Soltústik, soltústik-shyǵystan soqqan jeldiń ekpini 15-20 m/s quraıdy.