«Almaty sý» komýnaldyq kásiporny ýaqytsha qolaısyzdyqqa túsinistikpen qaraýdy suraıdy.
Almatynyń M.Áýezov aýdanyna qarasty birqatar turǵyn úı men ózge de ǵımarattar sýyq sýdan ajyratylady. Bul týraly «Almaty sý» memlekettik komýnaldyq kásiporny málim etti, dep habarlaıdy Almaty-akshamy.kz.
Memlekettik komýnaldyq kásiporynnyń málimetinshe, 31tamyz kúni tańǵy saǵat 9:00-den keshki saǵat 18:00-ge deıin M.Áýezov aýdanynyń «Almas», «Astana», «Atameken», «Mamyr-1», «Mamyr-2», «Mamyr-4», «Mamyr-5» «Mamyr-6», «Mamyr-7» yqshamaýdandarynda ornalasqan turǵyn úıler men ózge de ǵımarattar sýyq sýdan ajyratylady.
«Sonymen qatar, Dostyq - Shalápın - Iassaýı - B.Momyshuly - Abaı kósheleriniń aımaǵynda ornalasqan ǵımarattarda sý bolmaıdy. Engizilgen shekteýler sýmen jabdyqtaý obektisindegi tehnologıalyq jabdyqty aýystyrý úshin qajet», - dep habarlady «Almaty sý» MKK.
Jóndeý jumystary kezinde joǵaryda atalǵan aýmaqtarda ornalasqan densaýlyq saqtaý jáne bilim berý nysandary aýyz sýmen qamtamasyz etiledi.