Óńirlik komýnıkasıalar alańynda júrek aýrýlarynyń aldyn alýǵa, sonymen qatar, Almaty qalasynyń kardıologıalyq ortalyǵynyń qyzmetine arnalǵan brıfıń ótti.
Almaty qalalyq kardıologıa ortalyǵynyń kardıologıa bóliminiń meńgerýshisi, joǵary sanatty dáriger, m.ǵ.k. Jámılá Aldabekova jyl saıyn QKO-nyń qabyldaý bólimine 12000-nan 15000 naýqasqa deıin qaralý maqsatynda júginedi, dep habarlaıdy Almaty-akshamy.kz.
«Biz shuǵyl jáne josparly medısınalyq kómek kórsetemiz. Bizdiń ortalyqta 265 tósek-oryn, Almaty qalasynyń barlyq aýdandarynyń turǵyndaryna tegin medısınalyq kómektiń kepildik berilgen kólemi aıasynda shuǵyl mamandandyrylǵan medısınalyq kómek kórsetetin 6 kardıologıalyq bólimshe bar», - dedi Jámılá Aldabekova.
Jedel medısınalyq kómektiń sapasyn arttyrý úshin barlyq bólimderde sýbıntensıvti terapıa palatalary ashylǵan. Bólimderde naýqastardyń turýyna zamanaýı etip, óte qolaıly jaǵdaılar jasalǵan. Kardıologıada úlken tájirıbesi bar bilikti mamandar, orta jáne kishi medısına qyzmetkerleri jumys isteıdi.
Meńgerýshiniń aıtýynsha, kóptegen mamandar oqytylyp, taıaý jáne alys shetelderde tájirıbeden ótken. Jumys Ońtústik Koreıanyń klınıkalarymen jáne ýnıversıtetterimen jasalǵan yntymaqtastyq týraly memorandýmdar aıasynda keńinen damydy: Seýl qalasy, Ense ýnıversıtetindegi Severans klınıkasy, Seýl qalasy, Sedjon (SejongGeneralHospital) klınıkasy.
Búginde kardıohırýrgıa bólimi 25 tósekke arnalǵan. Kafedrada 7 kardıohırýrg, 2 profesor, 3 doktorant jumys isteıdi. Munda júrekke 5000-nan astam ota jasalady, onyń ishinde koronarlyq patologıanyń ártúrli formalaryna, júre paıda bolǵan jáne týa bitken júrek aqaýlaryna. Arıtmologıa bóliminiń negizgi mindeti bradıarıtmıanyń ártúrli túrlerine (júrek soǵý jıiliginiń aıqyn tómendeýi, júrek toqtaýyna deıin) jáne ómirge qaýip tóndiretin arıtmıaǵa, EFZ (elektrofızıologıalyq zertteý) jáne ártúrli dıagnostıkaǵa arnalǵan RJA (radıo jıilikti ablasıa) paroksızmaldy tahıkardıa túrleri kezinde jasandy kardıostımýlátorlardy ımplantasıalaý bolyp tabylady.
Anestezıologıa jáne reanımasıa bóliminde naýqastarǵa joǵary kásibı anestezıalyq kómek pen qarqyndy terapıa júrekke mıokard revaskýlárızasıasy kezinde jáne jasandy qan aınalymy jaǵdaıynda júrek, aorte klapandaryn protezdegende jasalady.
Al rentgen hırýrgıa bóliminde kardıologıalyq naýqastarǵa aptasyna 7 kún, táýlik boıy shuǵyl ıntervensıalyq kómek kórsetiledi. Sońǵy 5 jylda sáıkesinshe 30 000-nan astam koronarografıa jáne 11 000-nan astam stent jasaldy. Almatynyń qalalyq kardıologıalyq ortalyǵy jetekshi álemdik óndirýshilerdiń zamanaýı medısınalyq jabdyqtarymen qamtamasyz etilgen.
Birinshi qabatta klınıkalyq dıagnostıkalyq bólim bar, onda dárigerler joǵary tıimdi dıagnostıkalyq jáne emdeý ádisterin qoldana otyryp, naýqastarǵa keńes beredi. Klınıkalyq dıagnostıka bóliminde kardıologıa, kardıohırýrgıa, arıtmologıa, endokrınologıa sıaqty salalar boıynsha keńes alýǵa bolady.
Fýnksıonaldy dıagnostıka bóliminde EKG men EHOKG-dan bastap, bronhoskopıa men EFGDS-qa deıin dıagnostıkalyq zertteýlerdiń barlyq túrleri júrgiziledi.