Qazirgi ýaqytta kúdikti ýaqytsha ustaý ızolátorynda qamaýda otyr.
Almaty polıseıleri qala turǵyndarynyń páterlerin tonady degen kúdikpen 30 jastaǵy er-azamatty ustady, dep habarlady Almaty-akshamy.kz.
İshki ister mınıstrliginiń resmı saıtyndaǵy málimet boıynsha, 30 jastaǵy Almaty oblysynyń turǵyny birneshe ret urlyq jasady degen kúdikke ilingen.
«Polısıaǵa shahar turǵyndarynan páterleri tonaldy degen birneshe aryz kelip tústi. Negizinde, “qonaqtar” altyn buıymdardy, aqshany alǵan. Bóten adamdardyń úıleri bir tásilmen jáne tek kúndizgi ýaqytta ashyldy. Júrgizilgen izdestirý is-sharalarynyń nátıjesinde urlyq jasady degen kúdikpen qulyptardy ashatyn quraldary bar, buryn sottalǵan er adam ustaldy», – dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.
QR QK-niń 188-baby 3-bóligi boıynsha júrgizilgen sotqa deıingi tergeý barysynda ustalǵan azamattyń páter urlyǵynyń osyǵan uqsas tórt epızodyna qatysy bar ekendigi anyqtaldy. Qazirgi ýaqytta kúdikti ýaqytsha ustaý ızolátorynda qamaýda otyr.
