Shaharda qaıtadan vaksınalaý, revaksınalaý bastalady
Almaty qalasy KVI boıynsha «sary» aımaqta bolǵanmen, qalada karantındik sharalar qatańdatylǵan joq. Sebebi, turǵyndardyń 90%-da indet jeńil túrde ótip jatyr. Bul týraly Premer-mınıstrdyń orynbasary Eraly Toǵjanov aıtty, dep habarlaıdy Almaty-akshamy.kz QazAqparat-qa silteme jasap.
«Biz ázirge qatań shekteýlerge baryp jatqan joqpyz. Sebebi, halyqtyń 90%-da aýrý jeńil túrde ótip jatyr. Osynyń bárin eskerip otyrmyz. Degenmen, «saqtyqta qorlyq joq» degendeı, áli de saqtaný kerek. İndetke jeńil qaraýǵa bolmaıdy. Ár adam ózine, aınalasyna jaýapkershilikpen qaraý kerek», - dedi vıse-premer.
Onyń aıtýynsha, Almatyda KVI-ge qarsy naqty sharalar qabyldanyp jatyr.
«Shaharda qaıtadan vaksınalaý, revaksınalaý bastalady. Aıta keteıin, búginde almatylyqtardyń 85%-nyń KVI-men aýrýynyń sebebi, ekken vaksınasynyń ýaqyty ótip ketýi nemese múlde vaksına almaǵannan bolyp otyr. Sondyqtan, qaıtalap aıtam, vasınany qabyldaý kerek, maskalyq rejımdi, jeke gıgıenany saqtaý kerek», - dedi ol.
Sondaı-aq, Eraly Toǵjanov Almatynyń indetke qarsy daıyndyq sharalaryn oń baǵalady.
«Qazirgi tańda qalada mobıldik toptardyń tek 70-i istep tur. Qajet jaǵdaıda, olardy 150-ge deıin kóbeıtýge bolady. Qalada epıdahýal baqylaýda ustalyp otyr. Almaty qalasynan kóp azamattar men jolaýshylar basqa aımaqtarǵa shyǵyp jatady. Sondyqtan, búginde «jasyl» aımaqta turǵan ózge óńirler indetke qarsy saqtyq sharalaryna kóńil bólgeni durys», - dep atap ótti vıse-premer.