Toqaev shymkenttikterdiń ómir súrý sapasyn jaqsartýdy tapsyrdy.
Memleket basshysyna úshinshi megapolıstiń byltyrǵy áleýmettik-ekonomıkalyq damý kórsetkishteri jóninde esep berilip, aldaǵy kezeńge arnalǵan jospary tanystyryldy,-dep habarlaıdy Almaty-akshamy.kz Tengrinews.kz-ke silteme jasap.
Murat Áıtenovtiń aıtýynsha, ótken jyly qala ekonomıkasyna tartylǵan ınvestısıa kólemi 13,8 paıyzǵa artyp, 549,4 mıllıard teńgege jetti. Shaǵyn jáne orta bıznes sýbektileriniń sany 110 myńnan asty. Jalpy óńirlik ónim kóleminiń 40,7 paıyzy osy saladaǵy kásipkerlerge tıesili.
Memleket basshysynyń tapsyrmasy boıynsha bıyl qalanyń damý perspektıvasyn eskere otyryp, jańa bas jospar bekitilmek. Prezıdentke jyl sońyna deıin qala tóńiregindegi aýdandardyń turǵyndary aýyzsýmen jáne elektr qýatymen tolyq qamtamasyz etiletini týraly baıandaldy. «Jaıly mektep» ulttyq jobasy aıasynda Shymkentte 25 mektep salý josparlanǵan.
Kezdesý sońynda Qasym-Jomart Toqaev Murat Áıtenovke áleýmettik máselelerdi sheshý, qala turǵyndarynyń turmys sapasyn arttyrý, sondaı-aq Shymkent qalasyn odan ári damytý jóninde birqatar mindet júktedi.