Ortalyq qalalyq klınıkalyq aýrýhanaǵa 94 jastaǵy naýqas shuǵyl jetkizildi. Dárigerler oǵan kúrdeli joǵary tehnologıalyq operasıa jasady, dep habarlaıdy almaty-akshamy.kz
Qalalyq klınıka dárigerleri keıýanaǵa súıek synyqtarynyń yǵysýy men oń jaq jambas súıeginiń jabyq túrdegi synýy dıagnozyn qoıdy. Dárigerler naýqasqa súıektiń kúrdeli synyqtaryn emdeýge arnalǵan joǵary medısınalyq tehnologıany qoldana otyryp, operasıa jasady. Otaǵa ortoped-dáriger Berik Ospanov jetekshilik etti.
«Jabyq repozısıa - bul biz synyq ornyn tolyǵymen ashpaı, eki kishkentaı jyryq arqyly shaǵyn ınvazıvti tásilmen baqylaýshy rentgen apparatymen kirip, synyqtardy qalpyna keltiremiz. Osy operasıany jasaǵan kezde súıekter tez tutasady. Operasıa bir saǵatqa sozylyp, sátti aıaqtaldy. Kelesi kúni operasıadan soń ájemiz júris arbasymen jyljyp qozǵala bastady. Búgin pasıent saýyǵyp úıine shyqty», - dedi Berik Ospanov.