Aıyppul somasy 1 mln 541 myń teńgeni qurady.
30 jastaǵy almatylyq azamat bir táýlik ishinde 92 ret jol erejesin buzǵan. Oǵan salynatyn aıyppul somasy 1 mln 541 myń teńgeni qurady, dep habarlaıdy Almaty-akshamy.kz.
26 sáýirde Almaty turǵyny jalǵan nómirmen júrip, birneshe ret jol erejesin buzǵan. Polıseıler ony «Qorǵaý Sergek» ıntellektýaldy beınebaqylaý júıesiniń kómegimen anyqtady.
«Ótken táýlikte ǵana «Qorǵaý Sergek» júıesi qala joldarynda jalǵan nómir paıdalanǵan 11 avtokólik júrgizýshisin anyqtady. Olar jalpy somasy 12 mln teńgeden asatyn 790 quqyqbuzýshylyqqa jol berdi. Quqyqbuzýshylyqqa qatysy bar avtokólikter anyqtalyp, arnaıy aıyp turaǵyna qamaldy», – delingen Almaty qalasy polısıa departamentiniń habarlamasynda.
Jyl basynan beri jalǵan nómir qoldanǵany úshin 171 júrgizýshige aıyppul salynǵan.