JSQ-ǵa sáıkes, sýmen jabdyqtaý jáne sý burý jumystary 2022-2023 jyldary jalǵasady.
Megapolıs ákimi Baqytjan Saǵyntaev «Almaty» TA-daǵy onlaın-prezentasıa kezinde Naýryzbaı aýdanynyń qalaǵa qosylǵan shaǵynaýdandary turǵyndarynyń eń basty máseleleriniń biri qalaı sheshilip jatqanyn aıtty, dep habarlaıdy Almaty-akshamy.kz.
Búginde 156,1 myń adam turatyn Naýryzbaı aýdany ortalyqtandyrylǵan qalalyq sýmen jabdyqtaý júıesimen 51,6% (80,6 myń turǵyn) qamtylǵan. Aýdan halqynyń taǵy 24,1% (37,6 myń turǵyn) sýdy jeke skvajınalar men jelilerden alady. Tasymaldanatyn sýmen 37,9 myń turǵyn (24,3%) qamtylǵan.
2020 jyldan bastap Quramys, Taýjoly, Aqjar, Qarǵaly, Jaılaý, Shuǵyla, Tastybulaq jáne Taýsamaly syndy 8 shaǵyn aýdanda sýmen jabdyqtaýdyń jáne sýdan burýdyń jańa jelilerin tartý boıynsha qurylys-montaj jumystary júrgizilýde. Sondaı-aq, Qarǵaly ózeninde súzgi stansıasy salynýda. 5 shaǵyn aýdanda komýnıkasıa tartyldy, jol jamylǵysy qalpyna keltirilýde, turǵyndar óz úılerinen magıstraldy káriz jelilerine qosýdy júrgizbeýi saldarynan jumys kesheýildeýde.
Ótken jyly Tastybulaq, Qarǵaly, Jaılaý shaǵyn aýdandarynda 54 km sý qubyry jáne 30,5 km sýdan burý jelileri salyndy. Jańa jelilerge 13 myń adam qosyldy. Batys káriz kolektorynyń 33 km qurylysynyń TEN jáne JSQ jasaldy.
Aǵymdaǵy jyly 5 shaǵyn aýdanda - Shuǵyla, Aqjar, Quramys, Taýsamaly, Taýjolynda 66,5 km sý qubyry men 45,3 km sý bur jelilerin salý josparlanǵan. Qurylys-montaj jumystary aıaqtaý 2021 jyldyń jeltoqsanyna josparlanǵan. 2021 jyldyń birinshi jartyjyldyǵynda sýmen jabdyqtaıtyn 48,9 km (73%) qubyr jáne 30,5 km káriz jelileri (67%) salyndy.
Atap aıtqanda, Aqjar shaǵyn aýdanynda 21 myń adam turady jáne munda 5,5 myń úı bar, ótken jyly 8,5 km sý qubyry, 6,7 km sý burý jelileri salyndy. Bıylǵy jyly 10,5 km sýmen jabdyqtaý jáne 9 km sý burý jelileri salynady dep josparlanýda.
Shaǵyn aýdanda qubyr tartý qarqyny qıynǵa soǵýda. Óıtkeni, kósheler tar ári tastar úlken. Jumys qarqynyn eskere otyryp, Dáýletkereı men Bekishev atyndaǵy eki magıstraldi kóshege qubyr tartý keler jyly aıaqtalatyn bolady.
Quramys shaǵyn aýdanynda 14,5 myń adam turady, munda 3,8 myń úı bar. 7,5 km sý qubyry men 5,5 km sý burý jelileriniń qurylysy aıaqtaldy. Aǵymdaǵy jyly 2,8 km sý qubyry, 2,1 km sý burý jelileri salynady dep josparlanýda.
Ótken jyly Shuǵyla shaǵynaýdanynda 4 km sý qubyry men 1 km sý burý jelisiniń qurylysy aıaqtaldy. Aǵymdaǵy jyly 9,1 km sý qubyry, 6,5 km sý burý jelileri salynady dep josparlanýda. Barlyq qurylys-montaj jumystary 2022 jyldyń sońyna deıin aıaqtalady. Jańa jelilerdiń uzyndyǵy 20,6 km quraıdy, ony Shuǵyla shaǵyn aýdanynyń 22 myń turǵyny paıdalana alady, munda 750 úı bar.
Ótken jyly Tastybulaq shaǵynaýdanynyń tómen bóligindegi, Jandosov kóshesiniń soltústigine qaraı 32,6 km sýmen jabdyqtaý jáne 10,4 km sý burý jelileriniń qurylysy aıaqtaldy. Jańa jelilermen 4,5 myń turǵyn qamtylǵan, munda 1730 úı bar. Tastybulaq shaǵynaýdanynyń joǵary bóliginde 19,4 km sý qubyry, 8 km sý burý jelileriniń qurylysy aıaqtaldy. Munda 6,6 myń adam turady jáne 890 úı bar. Sýmen jabdyqtaý jelilerin paıdalanýǵa berý «Aqsaı» jáne «Qarǵaly» sý jınaıtyn nysandardyń qurylystary iske qosylǵan soń múmkin bolady.
Taýsamaly shaǵynaýdanynda 33,9 km sý qubyry, 9,6 km sý burý jelilerin salý josparlanǵan. 3,2 myń úı bar shaǵyn aýdannyń 12,2 myń turǵyny jelilerge qoljetkizetin bolady.
Taýjoly shaǵynaýdanynda 3 myń adam turady, 4 myń úı bar. Munda 10 km sý qubyry jáne 3,5 km sý burý jelileri salyndy. Bıylǵy jyly 5,3 km jeli salý josparlanǵan, onyń ishinde 3,9 km sýmen jabdyqtaý, 1,4 km sýdan burý.
Jaılaý shaǵynaýdanynda 2,2 myń adam turady jáne 810 úı bar, 6 km sýdan bólý jelileri salynǵan. Aǵymdaǵy jyly 1,8 km sýdan bólý jelisiniń qurylysy josparlanǵan.
Jalpy, Naýryzbaı aýdanynda bıyl Taýsamaly shaǵyn aýdanyndaǵy 3, 2 myń úıde turatyn 12,2 myń adam jańa sý jelilerine qosylady.
Naýryzbaı aýdanynda 78,3 km sýmen jabdyqtaý jelileri (Aqjar , Quramys, Tastybulaq (tómengi), Tastybulaq (joǵarǵy), Taýjoly, Shuǵyla shaǵyn aýdandary) salynady. 19,6 km sýdan burý jelileri ( Aqjar, Quramys, Taýjoly, Shuǵyla shaǵyn aýdandary) salynady.
JSQ-ǵa sáıkes sýmen jabdyqtaý jáne sý burý jumystary 2022-2023 jyldary jalǵasady.
Aǵymdaǵy jyly Taýsamaly shaǵynaýdanyndaǵy 12,2 myń turǵyn (3200 úı) (100%) sýmen jabdyqtaýdyń jańa jelilerine qosylady.
Tikeleı efırdi myna jerden kórýge bolady.