Bul týraly Almaty qalasy kásipkerler palatasynyń dırektory Aıtýar Qoshmambetov Óńirlik komýnıkasıalar qyzmetiniń baspasóz konferensıasy kezinde málim etti, dep habarlaıdy almaty-akshamy.kz
Aıtýar Qoshmambetovtyń aıtýynsha, Almatyda tamaqtandyrý qyzmetterin usyný salasynda jumys isteıtin 7 017 jeke kásipker men zańdy tulǵa tirkelgen. Megapolıste 9 600-den astam kásiporyn Ashyq qosymshasyn qoldanady. Onyń 43,5%-y – qoǵamdyq tamaqtaný oryndary men qonaq úıler.
«32 qyzmet túri boıynsha kásiporyndar jobanyń qatysýshysy bola alady. Eger 2 tamyzdaǵy jaǵdaı boıynsha Almaty qalasynda barlyǵy 6 419 qatysýshy bolsa, búginde olardyń sany 9 611-ge jetti», - dedi Almaty qalalyq kásipkerler palatasynyń dırektory.
Aıtýar Qoshmambetov Ashyq-qa eń belsendi qatysýy baıqalatyn TOP-5 qyzmet túrin atap ótti. Bul tizimge qoǵamdyq tamaqtandyrý obektileri - 2755 qatysýshy, qyzmet kórsetý obektileri (sulýlyq ortalyqtary men salondary, manıkúr men pedıkúr, kosmetıkalyq jáne sulýlyq shashtaraz qyzmetteri) - 1548, bólshek saýda obektileri - 1508, bilim berý obektileri - 1149, fıtnes jáne sport klýbtary - 543 kiredi.
«Eriktiler sany artty. Ashyq-ta barlyǵy 11 891 osyndaı nysandar bar. Bul jerde men Ashyq jobasyndaǵy eriktilerge jeńildikter men preferensıalar qoldanylmaıtynyn atap ótkim keledi», - dep qosty Aıtýar Qoshmambetov.
31 tamyzdaǵy jaǵdaı boıynsha, Qazaqstandaǵy 121 838 kásipkerlik sýbektileri Ashyq jobasynyń qatysýshylary bolyp tabylady.