Marafonǵa sheteldikter de qatysty.
Megapolıste dástúrge aınalǵan «Almaty marafony» ótti. Oǵan bes myńǵa jýyq adam qatysty, dep habarlaıdy Almaty-akshamy.kz 24.kz-ke silteme jasap.
Jelaıaqtar básekesinde baq synaý úshin shetelden kelgender de boldy. Tańǵy altyda jarys jolyna shyqqan olar birneshe qashyqtyq boıynsha synǵa tústi. Qatysýshylar dástúrli 10 jáne 42 shaqyrymdyq marafonnan bólek skandınavıalyq júristen de úzdikti anyqtady. Sondaı-aq 6 adamnan quralǵan komandalar da júldege talasty. Sporttyq sharaǵa belsene qatysyp, márege jetkenderge arnaıy medal berildi.
«Men Almatyda bes jyldan beri turyp jatyrmyn. Osy marafonǵa úshinshi ret qatysyp otyrmyn. Men júgirýdi jaqsy kóremin jáne mundaǵy kóńil-kúı keremet. Munda júgirgen saıyn qýat ala túsesiń, men jartylaı marafondy tańdadym jáne nátıjeme rızamyn», - dedi Ońtústik Afrıka azamatshasy Marta Sıbase.