Bul týraly Óńirlik komýnıkasıalar qyzmetiniń alańynda konkýrsty uıymdastyrýshylar - Almaty qalasy boıynsha Qazaqstannyń isker áıelder qaýymdastyǵynyń ókilderi habarlady.
Qaıyrymdylyq bastamalar baıqaýyna ótinimder 2023 jyldyń 15 jeltoqsanyna deıin qabyldanady, dep habarlaıdy Almaty-akshamy.kz.
Uıymdastyrýshylardyń aıtýynsha, joba el damýyna úlken úles qosyp jatqan júzdegen batyl, ózekti máselelerge beı-jaı qaramaıtyn adamdardy, mesenattardy anyqtaıdy. Ótken jyly barlyǵy 969 ótinim jınaldy, al Almaty qalasynan - 41 úmitker, olardyń arasynda laýreattar bar.
"Altynshy ret uıymdastyrylyp otyrǵan "Meıirimdilik kerýeni" respýblıkalyq baıqaýynyń bastalǵany týraly qýana habarlaımyz. Baıqaý ıgi ister jasaıtyn adamdardy anyqtaýǵa, halyqtyń azamattyq bastamalaryn jandandyrýǵa jáne meıirimdilik, keńpeıildilik pen gýmanızm sıaqty adamgershilik qundylyqtardy nyǵaıtýǵa baǵyttalǵan", - dedi Almaty qalasy boıynsha Qazaqstannyń isker áıelder qaýymdastyǵynyń múshesi Farıda Jylqybaeva.
Máselen, ótken jyly "Meıirim jolynda" nomınasıasy boıynsha 10 jyldan astam ýaqyt boıy jumys istep kele jatqan jáne onkologıalyq aýrýlary bar balalarǵa, jetim balalarǵa, bala kezinen múgedekterge, kedeılerge, kópbalaly otbasylarǵa, sondaı-aq kómekke muqtaj jandarǵa turaqty óteýsiz negizde kómek kórsetip kele jatqan "Ádil" qaıyrymdylyq qory jeńimpaz atandy.
"Týǵan jer" nomınasıasynda quzyrettilikti damytý ortalyǵyn qurǵany úshin ITeachMe qoǵamdyq qory úshinshi orynǵa ıe boldy. "Batyl júrek" nomınasıasynda áıeldi órtten qutqarǵan Baýyrjan Áýelbekov 3 oryn aldy.
Qańtar aıyndaǵy qaıǵyly oqıǵalar kezinde erekshe erlik kórsetken №7 QKA hırýrg-dárigeri Ǵazız Qunanbaıuly Tólepbergenov "Batys júrek" nomınasıasynyń qurmetti dıplomymen marapattaldy.
Baıqaýdy Nursultan Nazarbaev Qory, "KTK"telearnasynyń qoldaýymen Qazaqstan isker áıelderi qaýymdastyǵy júzege asyrady.
Baıqaýǵa áleýmettik, qoǵamdyq máselelerdi sheshýde óz úlesterin qosyp jáne óz is-áreketterimen basqalardy yntalandyryp júrgen jeke jáne zańdy tulǵalar qatysa alady.
Uıymdastyrýshylar túsindirgendeı, konkýrsqa kásipkerlik sýbektileri, sondaı-aq qaıyrymdylyq qyzmeti memlekettik qoldaýmen (memlekettik grant, memlekettik tapsyrys jáne t.b.) baılanysty tulǵalar qatysa almaıdy.
Konkýrs laýreattary kelesi nomınasıalar boıynsha anyqtalady:
- "Asar" - qaıyrymdylyq qyzmeti halyqtyq ádet-ǵuryptar men dástúrlerdi saqtaýǵa baǵyttalǵan nomınasıa;
- "Týǵan jer" - týǵan ólkege bilim berý, ekologıa jáne abattandyrý, mádenı nysandardy qalpyna keltirý jáne kómekkórsetý, t. b. salalarda qaıyrymdylyq kórsetetin laýreatqa tapsyrylady ;
- "Batyl júrek" - batyrlyq pen janqıarlyq úshin. Bul nomınasıa shuǵyl qyzmet qyzmetkerleri (TJ, İİM, Jedel járdem jáne basqalar)arasynan sýyrylyp shyqqan jeńimpazǵa berilýi múmkin.
- "Meıirim jolynda" - belgili bir ýaqyt aralyǵynda qaıtarymsyz qyzmet kórsetetinder úshin beriledi;
- "Qaıyrymdylyq tarıhy" - nomınasıa jýrnalıske jáne / nemese
shyǵarmashylyq ujymǵa BAQ-ta qaıyrymdylyqty, áleýmettik problemalardy kórsetýde úzdik dep tanylǵany úshin beriledi.
Konkýrsqa qatysý týraly tolyq aqparatty www.fnn.kz jáne www.businesswomen.kz saıttarynan bilýge bolady, anyqtama telefondary: + 7771 785 7569 Alnýra Nurbekqyzy Almaty q. boıynsha konkýrstyń úılestirýshisi, + 7701 555 1392 Aınash Jumabaıqyzy Almaty q. ADJ atqarýshy dırektory.