Órt saldarynan 13 adam kóz jumdy
Almaty qalasy TJD-ǵa 30 qarasha tańǵy saǵat 05:33-te Adı Sháripov kóshesindegi ǵımarat órtenip jatqany týraly aqparat túsken.
Birinshi órt sóndirý bólimi oqıǵa ornyna 7 mınýtta jetken. Olar birden ǵımarattyń birinshi qabaty men jertólesi jatahanaǵa aınalǵan 3-qabatty turǵyn úıdiń janyp jatqanyn kórgen.
Aldyn-ala aqparat boıynsha órttiń jalpy aýdany – 30 sharshy metr.
Órt tańǵy saǵat 06:22-de sóndirildi. Aldyn-ala aqparatqa sáıkes órtten 13 adam qaza tapty. Olardyń jeke basy anyqtalyp jatyr. Adamdar kómirtegi totyǵymen ýlanýdan qaıtys bolǵan, – dep jazylǵan qalalyq TJD baspasóz qyzmeti taratqan aqparatta.
Órtti sóndirýge 46 maman men 13 tehnıka jumyldyryldy. Órt sebebi men adamdardyń naqty neden qaıtys bolǵany anyqtalyp jatyr.