Qala turǵyndarynyń jaıly ómir súrýi men joldaǵy keptelisti azaıtý ındıkatorlarynyń biri bolyp tabylady.
Bul týraly Almaty qalasynyń ákimi Erbolat Dosaev OKQ-da ótken Almaty qalasynyń áleýmettik ekonomıkalyq damýynyń 5 aıdaǵy negizgi qorytyndylary týraly sóılegen sózinde aıtty, dep habarlaıdy Almaty-akshamy.kz.
Kólik ınfraqurylymyn damytý qala turǵyndarynyń jaıly ómir súrýi men joldaǵy keptelisti azaıtý ındıkatorlarynyń biri bolyp tabylady.
1) Aǵymdaǵy jyldyń 30 mamyrynda metronyń «Saryarqa» jáne «B.Momyshuly» 2 stansıasy ashyldy, bul kúndelikti jolaýshylar aǵymyn 1,9 ese 86 myń adamǵa deıin arttyrdy (qazan aıynan bastap kútilýde).
2) Aǵymdaǵy jyldyń mamyr aıynda uzyndyǵy 800 metr Áýezov kóshesi Gogol kóshesinen Raıymbek dańǵylyna deıin uzartyldy, sondaı-aq uzyndyǵy 7,7 shaqyrym 2 kósheni (Saın kóshesi, Tóle bı kóshesi) uzartý jalǵasýda.
3) 3 kólik jolaıryǵynyń qurylysy júrip jatyr, onyń bireýin «Buqtyrma – Qulja kúre jolyn» osy jyldyń sońynda, ekeýin – 2023 jyldyń jeltoqsan aıynda aıaqtaımyz (Seıfýllın dańǵyly – Jansúgirov kóshesi, Saın kóshesi – Móńke bı kóshesi).
4) Aǵymdaǵy jyly 5 shaǵyn aýdanda 50 shaqyrym jańa jol qurylysyn aıaqtaımyz. 200 shaqyrym jolǵa ortasha jóndeý júrgizilip, 100 shaqyrym trotýarlar men 80 aıaldama jaılastyrylady.
«Nátıjesinde jaqsy jáne qanaǵattanarlyq jaǵdaıdaǵy avtomobıl joldarynyń úlesin bıyl 86%-ke deıin jetkizemiz (2021 j. - 83%)», - dedi Erbolat Dosaev.