Qaza bolǵandardy bir mınýt únsizdikpen eske aldy
Almaty ákimi B. Saǵyntaev, onyń orynbasarlary, aýdan ákimderi, qoǵam qaıratkerleri, jeltoqsan jáne jastar uıymdarynyń ókilderi 1986 jylǵy jeltoqsan oqıǵalarynyń qurbandaryn eske aldy, aldy dep habarlaıdy Almaty-akshamy.kz.
Eskertkishke gúl qoıý rásiminen keıin jınalǵandar sol oqıǵalarda qaza bolǵandardy bir mınýt únsizdikpen eske aldy. Din ókilderi eske alý úshin quran oqydy. Osydan soń jeltoqsanshylarǵa arnaıy as uıymdastyryldy.
«Táýelsizdik tańy» monýmenti 2006 jyly Tuńǵysh Prezıdent – Elbasy N. Nazarbaevtyń qatysýymen Jeltoqsan-Sátbaev kósheleriniń qılysynda ashylǵanyn, jastar armandaǵan Táýelsiz Qazaqstanda ómir súrip jatqanymyz erekshe atalyp ótip edi.
Memleket basshysy Q.-J. Toqaevtyń jeltoqsanshylardyń erligin máńgi este qaldyrý týraly tapsyrmasyna sáıkes Almatyda sol oqıǵalardyń qurmetine «Jeltoqsan» dep atalatyn saıabaq ashyldy. Sonymen qatar, osy saıabaqta ornatylatyn eskertkishti daıyndaýǵa shyǵarmashylyq baıqaý jarıalandy.
Eske salsaq, osynyń qarsańynda Qazaqstannyń Táýelsizdiginiń 30 jyldyǵyna oraı Táýelsizdik monýmentine saltanatty túrde gúl shoqtaryn qoıý rásimi ótti.