Bıyl Qazaqstan Táýelsizdik kúniniń 32 jyldyǵyn atap ótedi. Mańyzdy kúndi merekeleý qarsańynda Almatyda birqatar mádenı, resmı, sporttyq is-sharalar ótedi. Sondaı-aq túrli fotokórmeler men dóńgelek ústel uıymdastyrylady.
- 13 jeltoqsan kúni saǵat 11.00 - de Bastau oıyn-saýyq kesheninde Almaty ardagerler keńesi arasynda «Bostandyq aýdany ákiminiń kýbogy» úshin bılárdtan týrnır uıymdastyrylady.
- Bul kúni saǵat 15:00-de Inovasıalyq shyǵarmashylyq ortalyǵynda (Shuǵyla sh.a 347/4) zıaly qaýym ókilderi men jeltoqsanshylardyń qatysýymen «Elimniń baqytyn terbegen - Táýelsizdik!» atty dóńgelek ústel ótedi.
- 15 jeltoqsan kúni saǵat 11:00-de Dástúrli mýzyka mýltımedıalyq ortalyǵynda Jeltoqsan oqıǵasyna qatysýshylarmen «Táńir syıy – Táýelsizdik» atty kezdesý uıymdastyrylady, dál osy ýaqytta Yqylas atyndaǵy halyq mýzykalyq aspaptar murajaıynda «Táýelsizdik – el mereıi» taqyrybynda dóńgelek ústel ótedi.
- Saǵat 15:00-de Qonaev murajaıynda «Táýelsizdik – máńgilik eldiń tiregi» atty fotokórme ótedi. Kórmege murajaı muraǵatynan Almaty qalasynyń ǵımarattary men mádenı oshaqtarynyń fotosýretteri qoıylady.
- Saǵat 15:00-de Almaty qalasynyń Ortalyq memlekettik muraǵatynda «Táýelsizdik – appaq tanym araıly» atty taqyrypta dóńgelek ústel ótedi.
- Saǵat 19:00-de Jambyl atyndaǵy Qazaq memlekettik fılarmonıasynda T. Ábdirashev atyndaǵy QR Memlekettik akademıalyq sımfonıalyq orkestriniń konserti ótedi.
- 16-18 jeltoqsan aralyǵynda saǵat 09:00-den 18:00-ge deıin K.Ázirbaev atyndaǵy №15 jalpy bilim beretin mektepte barlyq sanattar arasynda klasıkalyq paýerlıftıng jáne klasıkalyq stendtik pres boıynsha Almaty qalasynyń ashyq chempıonaty ótedi.
- 18 jeltoqsan kúni saǵat 12:00-de Alatau Creative Hub-ta «Táýelsiz eldiń urpaǵy» zıatkerlik oıyny ó
tedi.