Júrgizýshilerge oqıǵa ornynda medısınalyq kómek kórsetildi.
Almatyda jol apaty saldarynan kólik jekemenshik úı qorshaýyna shyǵyp ketti, dep habarlaıdy Almaty-akshamy.kz.
Oqıǵa keshe túnde Túrksib aýdanynda bolǵan. Jelide oqıǵa ornynan túsirilgen vıdeo paıda boldy.
Polısıa departamenti baspasóz qyzmetiniń málimetinshe, saǵat 22.50 shamasynda Honda markaly avtokóligin tizgindegen 2002 jyly týǵan K. esimdi er adam Enıseıskaıa kóshesimen shyǵys baǵytta kele jatqan.
«Papanın kóshesi qıylysynda 2.5 jol belgisi talabyn oryndamaı, Papanın kóshesimen ońtústik baǵytta kele jatqan D. tizgendegen Mitsubishi avtokóligimen soqtyǵysqan. Jol-kólik oqıǵasy nátıjesinde eki kólik te zaqymdanǵan», - dedi Almaty PD ókilderi.
«Olar aýrýhanaǵa jatýdan bas tartty. Materıaldardy Túrksib aýdany polısıa bóliminiń qyzmetkerleri óndiriske aldy», - dedi Almaty polısıa departamentiniń baspasóz qyzmetindegiler.