Jol jabyny jaǵdaıyn zertteý qorytyndysyna sáıkes bıylǵy josparǵa Shalápın kóshesiniń Beregovoı kóshesinen Áshimov kóshesine deıingi uzyndyǵy 4 shaqyrym bóligin qosý týraly sheshim qabyldanǵan bolatyn. Jóndeý jumystaryn 31 tamyzǵa deıin aıaqtaý josparlanǵan, dep habarlaıdy Almaty-akshamy.kz.
18 tamyz saǵ.23:00-den 20 tamyz 06:00-ge deıin polımerli asfáltbeton jabynyn tóseý jumystarynyń júrgizilýine baılanysty Shalápın kóshesiniń Áshimov kóshesinen Iassaýı kóshesine deıingi bóliginde kólik qozǵalysy tolyǵymen ýaqytsha shekteledi.
Jol jóndeý jumystary jaıly sońǵy jańalyqtar qala ákimdigi men qalalyq mobıldilik basqarmasynyń resmı paraqshalarynda, Almaty_Joly telegram arnasynda (https://t.me/AlmatyJoly), sonymen qatar, 2GIS jáne Iandeks karta qosymshalarynda jazylǵan.
Jol jóndeý jumystary 2023 jylǵa josparlanǵan jumystar aıasynda júrgizilip otyr.
Ýaqytsha qolaısyzdyqtar úshin keshirim ótinemiz. Bul qala joldaryn uzaq ýaqyt paıdalanýǵa qajetti shara. Marshrýtty aldyn ala josparlap alyńyzdar.