2022 jylǵy qańtar-qarasha aılarynyń aralyǵynda «Qoldaý» kásipkerlik ortalyǵy 66 910 keńes berý qyzmetin kórsetti, dep habarlaıdy Almaty-akshamy.kz.
Osy kezeńde ortalyq mamandary jalpy somasy 43,8 mlrd. teńgege teń 250 jobaǵa qyzmet kórsetti. «Almaty» ÁKK» AQ enshiles uıymdary – «Almaty finance» JSHS men «Almaty» MQU» JSHS-nen tıimdi paıyzdyq mólsherleme boıynsha jeńildetilgen nesıe alýdy qosqanda, túrli memlekettik jáne óńirlik baǵdarlamalar sheńberinde SHOB qarjylandyrdy. Keıbir joba «Kásipkerlikti damytýdyń 2021-2025 jyldarǵa arnalǵan Ulttyq jobasy» sheńberinde granttyq qarjylandyrýǵa ı boldy.
Bıyl 11 aıdyń ishinde ortalyqtyń qoldaýymen kásipkerler qurylys, jer qatynastary, ınjenerlik jeliler júrgizý, kásipkerlik qyzmetti lısenzıalaý jáne kóptegen t.b. saladaǵy 836 ruqsat qujatyn aldy. Sonymen birge, jyl basynan beri ortalyq menedjerleri 1 059 bıznes-jospar ázirledi. Kásipkerlik saýattylyqqa 6 447 tyńdaýshy, onyń 5 512-i onlaın, 155-i offlaın jáne 780 tyńdaýshy aralas formatta oqytyldy.
«Qoldaý» kásipkerlik ortalyǵy» JSHS Almaty qalasy ákimdiginiń 2019 jylǵy 23 shildedegi №3/464 qaýlysyna sáıkes, «Almaty Business-2025» kásipkerlikti damytýdyń óńirlik baǵdarlamasy sheńberinde quryldy. Oqytý, keńes berý, kásipkerler men bıznes bastamashylardy qoldaý syndy ortalyqtyń barlyq qyzmeti tegin kórsetiledi. Ortalyqtyń mindeti – Almaty qalasy halqynyń kásipkerlik saýattylyǵyn arttyrý, jumys istep turǵan bızneske jáne kásipkerlik bastamasy bar halyqqa jobany tıimdi iske asyrýǵa kómektesý, kásipkerlikti damytýǵa bóget jasaıtyn ákimshilik kedergilerdi joıý, bıznes ıdeıa paıda bolǵan sátten bastap jobany qarjylandyrýǵa jáne iske asyrýǵa deıingi damýdyń barlyq satysyndaǵy kásipkerlerdi keshendi túrde qoldaý.