Kúdikti qamaýǵa alyndy.
Almatyda «Anna» qarý-jaraq dúkenin tonaýǵa qatysqan taǵy bir adam ustaldy, dep habarlaıdy Almaty-akshamy.kz Polisia.kz saıtyna silteme jasap.
«5 qańtarda S.esimdi azamat qarý-jaraq dúkenin tonaýǵa qatysqan. Atap aıtqanda, dúkenniń esikterine ornatylǵan tordy syndyrý úshin tros baılanǵan VAZ-2114 avtokóligin júrgizgen. Osy zańsyz áreketterdiń nátıjesinde kúdikti eki tegis uńǵyly jáne eki myltyq ıemdengen. Qazirgi ýaqytta onyń jappaı tártipsizdikter men qarýly shabýyldarǵa qatysqany da tekserilýde. Esterińizge sala keteıin, sol kúni qalada bir mezgilde jeti qarý-jaraq dúkenine shabýyl jasaldy, nátıjesinde qylmyskerler 1 347 qarýdy, onyń ishinde 501 myltyq, 807 tegis uńǵyly jáne 39 gaz-travmatıkalyq qarýdy, sondaı-aq oq-dáriler tonaldy», – dedi Almaty qalalyq polısıa departamenti bastyǵynyń orynbasary Berik Ábilbekov.
Urlanǵan qarý kúdiktiniń úıinen tárkilendi. Aıtpaqshy, ol buǵan deıin bótenniń múlkin urlaǵany úshin sotty bolǵan.
«5 qańtar kúni men úıden shyqtym. Bes beıtanys adam kóligimdi toqtatyp: “Júr, aǵa, kettik. Biz saǵan jol kórsetemiz” dep kólikke minip aldy. Biz qarý-jaraq satatyn dúkenge kelgen ekenbiz. Olar meniń kóligime tros baılady jáne tartýdy buıyrdy. Terezeleri, esikteri synǵan. Bul belgisiz bireýler kólik ishine eki avtomatty ákeldi, júk salǵyshqa eki myltyqty laqtyrdy. Sosyn men osy qarýmen ketip qaldym», – dedi kúdikti.