Jeńil aqsha tabýdy oılaǵan 27 jastaǵy kúdikti ustaldy.
Almaty polıseıleri psıhotroptyq zattardy satty degen kúdikpen 27 jasar azamatty ustady, dep habarlaıdy Almaty-akshamy.kz.
İshki ister mınıstrliginiń resmı saıtyndaǵy málimet boıynsha, kúdikti kúndiz «Almagúl» yqshamaýdanynda psıhotroptyq zattardy baılanyssyz túrde satatyn, ıaǵnı olardy «qoıyp ketý» arqyly taratyp, jeńil aqsha tabýdy kózdegen.
«Jergilikti turǵyndardyń qyraǵylyǵy qylmysqa der kezinde áreket etýge kómektesti. Olar kúdikti jigitti baıqap, bul týraly ýchaskelik ınspektorǵa habarlady. Ol birden kórsetilgen mekenjaıǵa kelip, kúdiktini ustady. Jeke tekserý kezinde kúdiktiden ızolentamen oralǵan 33 býma tárkilendi, kire beristen taǵy ekeýi tabyldy. Aldyn ala boljam boıynsha, onyń ishinde sıntetıkalyq esirtki bolǵan. Bul fakti QR QK-niń 296-baby 4-bóligi boıynsha sotqa deıingi tergeýdiń biryńǵaı tizilimine tirkeldi. Sot-hımıalyq saraptama taǵaıyndaldy. Esirtki taratý kanalyn bilý jáne «jumys berýshi» dep atalatyn tulǵanyń jeke basyn anyqtaý boıynsha jedel is-sharalar kesheni júrgizilýde», – dedi Bostandyq aýdandyq PB bastyǵynyń mindetin atqarýshy Batýr Abdýmasarov.