Qylmystyq top úsh er adam men bir áıelden turady.
Qylmystyq top Almatynyń Áýezov aýdanynda júrgen, dep habarlaıdy Almaty-akshamy.kz
«Bul top Aqtóbe, Qyzylorda jáne Shyǵys Qazaqstan oblystarynan kelgen otandastarymyzdan «jasaqtalǵan». Qoldaǵy derekterge sáıkes, olar shaharǵa kelip, qalanyń turǵyn alabyn ábden zerttep alǵan. Aldymen kireberis esikterdiń kiltin tańdaý arqyly bóten páterlerge kirgen. Urlyqty er adamdar jasaǵan, al áıel altyn, ań terisinen jasalǵan buıymdar, sıfrlyq tehnıka sıaqty urlanǵan múlikterdi satýǵa jaýapty bolǵan.
Almatyda qaskóıler jaldamaly páterge qonystanǵan. Arnaıy is-sharanyń nátıjesinde olar ótken kúni Altynsarın men Shalápın kósheleriniń qıylysynda ustaldy», - dedi Almaty qalalyq PD Krımınaldyq polısıa Basqarmasynyń bastyǵy, polısıa polkovnıgi Qýatbek Naýatov.
Ustalǵandardyń tórteýi de ýaqytsha ustaý ızolátoryna qamaldy. Keı málimetke qaraǵanda, olar Aqtóbe oblysynyń aýmaǵynda da páter tonaýmen aınalysqan.
«Biz bul aqparatty tergeý barysynda naqty tekseretin bolamyz. Almatyda urlanǵan múlikti satý arnasyn da anyqtaımyz», - dedi Qýatbek Naýatov.