Páter satýǵa baılanysty jalǵan qujatpen jurtty aldap kelgen alaıaqtyń isi ashyldy
Almatyda páter satý týraly jalǵan kelisimsharttar jasaǵan aqmolalyq alaıaq ustaldy, dep habarlaıdy Almaty-akshamy.kz
Polisia.kz aqparatyna sáıkes, polısıa qyzmetkerleri jedel izdestirý is-sharalary aıasynda páter satyp júrgen kúdiktini anyqtady. Ol Aqmola oblysynyń týmasy bolyp shyqty.
«35 jastaǵy I.esimdi azamat páter satý týraly habarlandyrýlardy ornalastyrdy. Satyp alýshylar paıda bolǵan kezde ol jalǵan satý-satyp alý kelisimshartyn jasaǵan. Ol aqshany alyp, satyp alýshymen baılanysyn úzip, belgisiz baǵytta jasyrynǵan. Kúdikti sońǵy mámileni 11 mıllıon teńgege jýyq somaǵa jasaǵan», – dedi Almaly aýdandyq polısıa basqarmasynyń bastyǵy Esen Ysqaqov.
Qazirdiń ózinde birneshe jábirlenýshi anyqtaldy. Bul fakt QR QK-niń 190-baby 3-bóligi boıynsha sotqa deıingi tergeýdiń biryńǵaı tizilimine tirkeldi. Ustalǵan adam ýaqytsha ustaý ızolátoryna qamaldy.
Bul adamnyń áreketterinen zardap shekken azamattardan Almaly aýdandyq polısıa basqarmasyna myna telefon nómirleri arqyly habarlasýdy suraımyz: 8-708-707-9202; 8-705-555-7763; 8-775-719-2727.