2025 jylǵy 5 maýsym men 30 maýsym aralyǵynda qurylys jumystaryna baılanysty Ońǵarsynova kóshesiniń Qojabekov kóshesinen Aqberen kóshesine deıingi bóliginde kólik qozǵalysy ýaqytsha shekteledi, dep habarlaıdy aqshamnews.kz tilshisi. Bul týraly Almaty qalasynyń Energetıka jáne sýmen jabdyqtaý basqarmasynan habarlady.
Bul shekteý megapolıste júzege asyrylyp jatqan «Almaty qalasynyń batys káriz kolektoryn salý» jobasyna baılanysty engizilip otyr. Joba aıasynda magıstraldy káriz kolektoryn tóseý jumystary júrgizilmek.
Qozǵalysqa ýaqytsha shekteý engizilgen ýaqyt aralyǵynda kólik qozǵalysy balama baǵyttar Nesibe, Bes Arys, Bórili Baıraq, Qojabekov jáne Aqberen kósheleri arqyly júzege asatyn bolady.
Basqarmanyń málimetinshe, joba aıasynda jalpy uzyndyǵy 34,9 shaqyrym bolatyn magıstraldy káriz kolektory salynady. Bul júıe Naýryzbaı jáne Alataý aýdandarynyń 175 myńnan astam turǵynyn, sondaı-aq Almaty oblysyndaǵy Qarasaı men İle aýdandaryndaǵy 20 myńǵa jýyq turǵyndy ortalyqtandyrylǵan káriz júıesine qosýǵa múmkindik beredi
Aıta keteıik, qozǵalysty shekteýge qatysty barlyq aqparattar Almaty.kz saıtynda, @AlmatyJoly Telegram-arnasynda, aýdan ákimdikteri men basqarmalardyń áleýmettik jelidegi paraqshalarynda, sondaı-aq «2GIS» pen «Iandeks karta» servısterinde qoljetimdi.
Qurmetti qala turǵyndary men qonaqtary, sizderden qozǵalys baǵyttaryn aldyn-ala josparlaýdy jáne ýaqytsha qolaısyzdyqtarǵa túsinistikpen qaraýlaryńyzdy suraımyz!