Almaty ákímí Darhan Satybaldy Kásípkerlík jáne ınvestıtsıyalar basqarmasynyń basshysy Álísher Satybaldıevtyń atqarylǵan jūmystar men aldaǵy jospar jóníndegí esebín tyńdady.
Bıyldyń tórt aıynyń qorytyndysy boıynsha Almatyda negízgí kapıtalǵa tartylǵan ınvestıtsıya kólemí 543,3 mlrd teńge bolyp, 35,6%-ǵa artty. Investıtsıya qūrylymynda jetekshí oryndy óńdeu ónerkásíbí, kólík jáne qoıma, jyljymaıtyn múlíkpen jasalatyn operatsıyalar, qarjy jáne saqtandyru salalary ıeleníp otyr.
Osy kezeńde óńdeu ónerkásíbí 17,6%-ǵa ósíp, 628,4 mlrd teńgege jettí. Jyl sońyna qaraı būl kórsetkísh 22,4%-ǵa jetuí múmkín. Ásírese, mashına jasau (137,5%), polıgrafıya (143%), tamaq ónerkásíbí (100,8%) jáne hımıya ónerkásíbí (117,1%) erekshe serpínmen damyp keledí.
Qalada jalpy qūny 2 402,4 mlrd teńge bolatyn 195 joba qolǵa alynǵan. Būl – shamamen 30 myń jańa jūmys orny.
2025 jyly qūny 555,1 mlrd teńge bolatyn 45 jobany íske qosu josparlanyp otyr. Olardyń qatarynda «Changan», «Chery» jáne «Haval» markaly jeńíl avtokólíkter shyǵaratyn multıbrendtí zauyt, «Wildberries» logıstıkalyq ortalyǵy, sondaı-aq, shyny ydys pen armaturalyq tor óndíretín kásíporyn bar.
Darhan Satybaldy tūraqty ekonomıkalyq ósímdí qamtamasyz etu, ınvestıtsıya tartu jáne ekonomıkanyń basym salalaryn damytu boıynsha jūmysty jandandyrudy tapsyrdy.