Byltyr 5 adam qaza taýyp, taǵy 297 adam jaraqat alǵan.
Almatyda mopedterdiń qatysýymen 276 jol-kólik oqıǵasy tirkeldi, dep habarlaıdy Almaty-akshamy.kz Polisia.kz-ke silteme jasap.
Jergilikti polısıa qyzmeti basqarmasynyń málimetinshe, ótken jyly shahar joldarynda mopedterdiń qatysýymen 276 jol-kólik oqıǵasy tirkelip, saldarynan 5 adam qaza taýyp, taǵy 297 adam jaraqat alǵan.
«Rasynda, Almaty qalasynda mopedterdiń, elektrosamokattardyń jáne mıkromobıldi kóliktiń basqa da túrleriniń qozǵalysyna qatysty ótkir másele bar. Kóbinese bul kólik túrlerin basqaratyn tulǵalar QR jol qozǵalysy erejelerin buzady, sóıtip, basqa jol paıdalanýshylary úshin qaýip tóndiredi. Statısıkalyq málimetterge súıensek, sońǵy aılarda balamaly kólikterdiń qatysýymen bolǵan jol-kólik oqıǵalarynyń sany artqan. Máselen, osy jyldyń 3 aıynda qala joldarynda mopedterdiń qatysýymen 62 jol-kólik oqıǵasy tirkelip, sonyń saldarynan 72 adam túrli dene jaraqattaryn alǵan. Moped tizgindegen 38 adam jol qozǵalysy erejesin buzǵany úshin ákimshilik jaýapkershilikke tartyldy», – dedi Almaty qalalyq PD Jergilikti polısıa qyzmeti basqarmasynyń bastyǵy Manap Sattarov.
Spıkerdiń aıtýynsha, qazirgi ýaqytta aldyńǵy saptaǵy polısıa bólimsheleri, skýterler, mopedter, samokattar jáne velosıped júrgizýshilerimen bolatyn jol-kólik oqıǵalaryn barynsha azaıtý maqsatynda olardyń qatysýymen aldyn alý jumystaryn kúsheıtti.
«Biz eki dońǵalaqty kólik quraldaryn júrgizýshilerdi jaýapkershilik pen jol tártibin arttyrýǵa shaqyramyz. Zańǵa sáıkes, qozǵaltqysh kólemi 50 tekshe metrden joǵary bolsa, onda ol polısıada qarapaıym kólik retinde tirkelip, júrgizýshi tıisti sanattaǵy quqyqtarǵa ıe bolýy kerek. Sonymen qatar, mopedter men skýterlerdiń júrgizýshilerine qozǵalys kezinde qorǵanys quraldaryn mindetti túrde paıdalanýyna basa nazar aýdaramyz. Jedel aldyn alý is-sharalary jalǵasýda», – dedi Manap Sattarov.