Shımpanze júgirip kele jatyp kishkentaı bala otyrǵan qolarbany ıterip jibergen.
Búgin saǵat 16:21-de Almaty haıýanattar baǵynda keleńsiz jaǵdaı oryn aldy, dep habarlaıdy Almaty-akshamy.kz zoobaqtyń Instagramdaǵy paraqshasyna silteme jasap.
«Prımattar» bólimindegi Pasha esimdi shımpanze qysqy qorshaýdan jazǵy qorshaýǵa aýystyrylatyn kezde, arnaıy temir tordy buzyp, volerden syrtqa shyǵyp ketti.
«Óz aýmaǵynan bólektenip qalǵandyqtan, stresstik jaǵdaıǵa ushyraǵan shımpanze júgirip kele jatyp zoobaqqa kelýshilerdiń arasynda turǵan áıel men kishkentaı bala otyrǵan qolarbany ıterip jibergen. Bala jaraqat alǵan. Zoobaq feldsheri alǵashqy medısınalyq kómek kórsetti. Artynan jedel járdem shaqyryldy. Qazir balanyń densaýlyǵyna qaýip tónip turǵan joq. Zootehnıkter men veterınarlar jaǵdaıdy rettep, shımpanzeni volerge kirgizdi. Zoobaq basshylyǵy men qyzmetkerleri zardap shekken balanyń ata-anasymen únemi baılanysta bolady jáne qajetti medısınalyq kómek kórsetýge daıyn», - delingen zoobaq ákimshiligi taratqan aqparatta.
Haıýanattar baǵynda janýarlardyń qashýy sırek oryn alatyn jaǵdaı emes. Mundaı oryn alǵan oqıǵalardyń sońy qaıǵyly jaǵdaılarǵa ulasyp jatady. Mamandardyń jedel qımylynyń arqasynda aýyr jaǵdaı oryn alǵan joq.
.