Almatyda «Mektep avtobýsy» jobasy aıasynda avtobýstar men reıster sany qysqartyldy, soǵan qaramastan ata-analardyń suranysy men qaýipsizdik talaptaryn eskere otyryp oqýshylardy tasymaldaý jaǵy saqtalyp qaldy.
«Biz bilim berý uıymdarymen jumys istep, mektepterden ótinish qabyldadyq ta, avtobýstardyń sanyn qysqartý týraly sheshim shyǵardyq. Oqýshylardy tasymaldaýdy ótinishti eskere otyryp sol kúıi qaldyrdyq», – dedi Almaty qalasy Bilim basqarmasynyń basshysy Saıran Saıfedenov Almaty qalasynyń Óńirlik komýnıkasıalar qyzmetinde ótken brıfıńte.
Buǵan deıin joba aıasynda qaladaǵy 55 mektep anyqtalyp, 10 180 oqýshy qamtylǵan bolatyn. Olardy tasymaldaý úshin 181 avtobýs bólinip, olar kún saıyn 897 reıs jasady. Bir reıstiń quny 20 oryndyq avtobýsqa 27 423 teńge (646 reıs), al 36 oryndyq avtobýsqa 29 967 teńgedeı (251 reıs) boldy. Bul maqsatqa jylyna 4 mlrd 164 mln teńge qajet bolǵan.
Alaıda bıyl bilim berý uıymdarymen qosymsha jumys júrgizilip, nátıjesinde avtobýstar sany 49-ǵa qysqartyldy. Kólikti alyp tastaýǵa 24 mektep ótinish bergen. Nátıjesinde qazir qaladaǵy 44 mekteptiń 7 532 oqýshysy tasymaldaýmen qamtylatyn boldy. Olardy 132 avtobýs jetkizedi, sóıtip kúnine 663 reıs jasaıdy, bul burynǵydan 234 reıske az.
Jospar boıynsha, 2025 jyly 22 mektepte 5 495 oqýshyny tasymaldaý úshin 92 avtobýs qajet bolyp otyrǵan. Osyǵan baılanysty qalalyq mobıldilik basqarmasy jańa avtobýstar satyp alýdy josparlaǵan. Bul jyl sońyna deıin oqýshylardy tasymaldaýmen qamtýdy 15 915 balaǵa jetkizip, 283 avtobýsty paıdalanýǵa múmkindik berer edi. Alaıda mektepterdiń ótinishi men júrgizilgen ońtaılandyrý búdjet shyǵyndaryn qysqartyp, oqýshylardy tasymaldaý júıesin saqtap qalyp, ony ata-analardyń suranysy men mekteptiń qajettilikterine saı uıymdastyrýǵa jol ashty.