Almatyda magıstral kóshelerdi ortasha jóndeý aıaqtaldy

  • 17:29, 31 tamyz 2025
Almatyda magıstral kóshelerdi ortasha jóndeý aıaqtaldy Almaty ákimdigi

Almatyda qala ákimi Darhan Satybaldynyń tapsyrmasyna sáıkes 1 qyrkúıekke deıin magıstraldyq kóshelerdiń ortasha jóndeý jumystary tolyq aıaqtaldy.

Qalalyq mobıldilik basqarmasynyń málimetinshe, uzyndyǵy 40 shaqyrym bolatyn 15 magıstraldyq kóshe jóndeldi. Olardyń qatarynda Qabanbaı batyr, Qajymuqan, Jubanov, Ulyqbek, Maılın, Buqtyrma, Móńke bı, Bekmahanov, Dýlatı, Serkebaev, Jarokov, Tóle bı, Bógenbaı batyr, Tilendıev kósheleri jáne Nazarbaev dańǵyly bar.

Sondaı-aq, uzyndyǵy 117 shaqyrym bolatyn aýdandyq mańyzy bar 123 kóshede jóndeý jumystary aıaqtaldy. Aýdandyq jáne jergilikti mańyzy bar uzyndyǵy 120 shaqyrym bolatyn 188 kóshede jóndeý  jumystary jalǵasýda,  olardyń 60% - dan astamy qyrkúıek aıynda, qalǵany qazan aıynyń 20-synda aıaqtalady.

«Osylaısha bıyl jalpy uzyndyǵy 277 shaqyrym bolatyn 326 kóshe ortasha jóndeýmen qamtylady. Bul burynǵy jospardan 23 shaqyrymǵa qysqardy, sebebi birqatar kósheler astyndaǵy ınjenerlik jelilerdi aýystyrý qajettigine baılanysty tizimnen alyndy», – dep habarlady basqarma. 

Budan bólek, qalalyq mobıldilik basqarmasy magıstraldyq jáne radıaldy kóshelerdi jalǵaý, sondaı-aq Alǵabas, Shuǵyla, Aqjar, Boraldaı, Jas Qanat, Rahat-Mádenıet shaǵynaýdandarynda jańa joldar salý jumystaryn jalǵastyrýda.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

17:29

17:04

15:37

13:51

12:18

11:49

11:11

10:26

09:10

08:49

08:35

22:34

22:18

22:17

22:15

13:33

12:05

10:50

10:35

10:23

09:20

08:40

07:41

22:51

22:11