Basty míndet – jūmyssyzdyqqa jol bermeu.
Karantın kezínde kóptegen qala tūrǵyndary jūmysqa ornalasuda qıyndyqtarǵa tap boldy. Almatyda jūmyspen qamtu máselesín «Eńbek» memlekettík baǵdarlamasynyń kómegímen sheshedí. Būl turaly Óńírlík kommunıkatsıyalar qyzmetíníń baspasóz máslıhaty barysynda Almaty qalasy áleumettík ál-auqat basqarmasy basshysynyń orynbasary Danıyar Álkebaıūly aıtty, dep habarlaıdy Almaty-akshamy.kz.
Danıyar Álkebaıūlynyń aıtuynsha, halyqtyń osal toptaryn qorǵau - memlekettíń áleumettík sayasatynyń negízgí funktsıyalarynyń bírí. Sondyqtan qalada «Eńbek» memlekettík baǵdarlamasy ayasynda jańa jūmys oryndary qūryluda.
«Bıyl «Eńbek» baǵdarlamasy ayasynda 13 myńǵa juyq adamdy jūmyspen qamtu sharalary josparlanuda. Onyń íshínde 800 adamdy jastar praktıkasyna, 960 adamdy áleumettík jūmys oryndaryna, 6 myń adamdy qoǵamdyq jūmystarǵa jíberemíz, sondaı-aq myńǵa juyq adamǵa grant beru qarastyrylǵan, sūranysqa ıe mamandyqtarǵa qysqa merzímdí oqytuǵa taǵy 1000 adamdy jíberemíz jáne 115 almatylyqqa shaǵyn nesıe beremíz árí basqa da kóptegen qoldau sharalaryn ūsynamyz», – dedí Danıyar Álkebaıūly.
Būl rette ūsynylatyn mamandyqtar auqymy keń, JOO, kolledjder, kásíptík lıtseı túlekterí de, zeınetkerlík jasqa deıíngí azamattar da, bílímí joq adamdar ózderíne ūnaıtyn tūraqty jūmys taba alady.
Danıyar Álkebaıūlynyń aıtuynsha, júzdegen qala tūrǵyndary kún saıyn olarǵa júgínedí.
Jyl basynan berí jūmyspen qamtu ortalyǵyna 25 myń adam ótínísh bergen. Jūmyspen qamtu sharalary boıynsha 17,3 myń qala tūrǵyny qamtyldy. Onyń íshínde 7,7 myń adam tūraqty jūmysqa tūrdy, 8,3 myń adam uaqytsha jūmys oryndaryna jíberíldí.
Almaty qalasy áleumettík ál-auqat basqarmasy basshysynyń orynbasary Danıyar Álkebaıūly qoldau sharalary turaly aıtty. Bıznes-ıdeyalardy íske asyru maqsatynda 2021 jyly árqaısysy 200 AEK-ke deıíngí mólsherde 1 myń grant beru josparlanǵan. Búgínde bolashaq kásípkerlerge 495 grant beríldí.
«Basty míndet – jūmyssyzdyqqa jol bermeu, sondyqtan bíz qala tūrǵyndaryn jańa sūranysqa ıe mamandyqtarǵa oqytamyz. Búgínde 600 almatylyq bílím aluda, taǵy da 1000 jūmyssyzdy kurstarǵa jíberu josparlandy», - dedí spıker.
Sondaı-aq 2021 jylǵy nou-hau «bírínshí jūmys orny» jobasy boldy. Ol jastardy jūmysqa ornalastyruǵa árí tıístí eńbek tásílderín úıretuge jáne bírínshí jūmys ornynda beıímdeluge baǵyttalǵan. Búgínde osy joba ayasynda 24 adam jūmys ísteıdí.
Danıyar Álkebaıūly «Bıznestíń jol kartasy», «Nūrly jer», ındustrıyalyq-ınnovatsıyalyq damu, agroónerkásíptík keshen, bílím men ǵylymdy damytu, óńírlerdí damytu, turıstík sala, «Eńbek» jáne basqa da baǵdarlamalar ayasynda Almatyda 15,6 myń jūmys orny qūrylǵanyn aıtty.