Qaskóıler Ýálıhanov kóshesiniń boıynda Toyota kóligin urlap ketken.
Kólik urlaǵandardy ustaý is-sharasyn qalanyń krımınaldyq polısıasy Medeý aýdandyq polısıa basqarmasy jedel ýákilderiniń belsendi kómegimen júrgizdi, dep habarlaıdy Almaty-akshamy.kz Polisia.kz-ke silteme jasap.
«Jedel izdestirý sharalary barysynda kúdiktiler ustaldy. 36 jastaǵy O.esimdi kólik urysy kólikterdi ashyp, rólge otyrǵan. 26 jastaǵy S. esimdi azamat jáne 39 jastaǵy A. esimdi azamat – sybaılastar. Tergeý sharalary barysynda kúdiktilerdiń urlap ketken kólikti Jarkent qalasynda satyp jibergendigi anyqtaldy. Satyp alýshyny kóliktiń qujattarynyń joqtyǵy tańqaldyrmaǵan. Biraq keıinirek kólik tabylyp, tárkilendi jáne zattaı aıǵaq retinde QR QK-niń 188-baby 3-bóligi boıynsha qylmystyq is materıaldaryna tirkeldi», – dedi Almaty qalalyq PD Krımınaldyq polısıa basqarmasynyń bastyǵy Qýatbek Naýatov.
Aıtpaqshy, negizgi kúdikti múliktik qylmystar – urlyq jáne tonaý jasaǵany úshin úsh ret sottalǵan, al sybaılastarynyń biri QR QK-niń 96-baby 1-bóligi boıynsha jazasyn ótegen. Qazir polısıa qyzmetkerleri ustalǵan adamdardyń jeke basyn buryn jasalǵan osyǵan uqsas qylmystarǵa qatysy bar-joǵyna tekserip jatyr. Kúdiktiler qamaýda otyr.
